ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

FirstAir-ChristmasPromo-SliderWeb-SMALL
Slider-2017HolidayFares
Slider-sidebar-230x210-Livery

ᑲᙳᓇᖅᑑᔪᓐᓇᕐᓂᖏᑕ ᐊᑐᐊᒐᖏᑦ

ᐅᖃᐅᓯᕐᓗᐊᑕᖓ

ᐴᔅᑎᐊᒃᑯᑦ ᐅᔾᔨᕈᓱᑉᐳᑦ ᑲᖑᓇᕆᐊᖃᕐᓂᖏᓐᓂ ᐱᖁᑎᑎᑦ ᐊᒻᒪᓗ ᐃᕝᕕᑦ ᒥᔅᓵᓄᖓᔪᑦ ᓇᓗᓇᐃᒃᑯᑕᐃᑦ. ᐴᔅᑎᐊᒃᑯᑦ ᒪᓕᒋᐊᓕᓐᓂᒃ ᒪᓕᒃᐸᑉᐳᑦ ᑲᓇᑕᒥ ᑲᙳᓇᖅᑐᓕᕆᔾᔪᑎᖏᑕ ᒪᓕᒐᕐᔪᐊᖏᓐᓂᒃ ᐱᔪᒥᓂᐅᑉᐸᑕ, ᐊᑐᖅᑐᒥᓂᐅᑉᐸᑕ ᑐᓂᓯᔪᒥᓂᐅᑉᐸᑕᓘᓐᓃᑦ ᐃᕝᕕᑦ ᒥᔅᓵᓄᖓᔪᓂᒃ.

ᑐᕚᕆᔭᐅᓂᖅ

ᐴᔅᑎᐊᒃᑯᑦ ᑎᒃᑯᐊᕐᓯᓯᒪᕗᑦ ᑲᙳᓇᖅᑐᓕᕆᔨᒥᒃ ᖃᐅᔨᓴᖅᑎᐅᓂᐊᕐᑐᒥᒃ ᐴᔅᑎᐊᒃᑯᑦ ᒪᓕᑦᑎᐊᕋᓗᐊᕐᒪᖔᑕ ᑲᙳᓇᖅᑐᓕᕆᓂᐅᑉ ᒪᓕᒐᕐᔪᐊᖏᓐᓂ. ᐃᓱᒫᓘᑎᖃᕐᓂᕈᕕᑦ ᑖᑯᐊ ᒪᓕᒐᕐᔪᐊᑦ ᒥᔅᓵᓄᑦ ᐴᔅᑎᐊᒃᑯᑦ ᒪᓕᑦᑎᐊᕋᓗᐊᕐᒪᖔᑕ, ᖃᔪᐃᒃᑲᐃᔪᓐᓇᕐᐳᑎᑦ ᐴᔅᑎᐊᒃᑯᑦ ᑲᙳᓇᖅᑐᓕᕆᔨᖓᓂ.

ᐅᓇ ᐊᑐᐊᒐᖅ ᐊᑐᖅᐸᒃᐳᖅ ᑭᓇᑐᐃᓐᓇᕐᒧᑦ ᑐᓂᓯᕙᑦᑐᓂᒃ ᐴᔅᑎᐊᑯᓐᓄᑦ ᐱᖃᓯᐅᑎᓗᒋᑦ ᐃᖅᑲᓇᐃᔭᕐᑏᑦ ᐊᒻᒪᓗ ᐱᖓᔪᖓᓃᙵᖅᓯᒪᔪᑦ ᑐᓂᓯᕙᑦᑐᑦ.

ᐴᔅᑎᐊᒃᑯᓐᓂᑦ ᓂᐅᕕᖅᐸᑦᑐᓂᒃ ᑲᙳᓇᖅᑐᓕᕆᓂᕐᒧᑦ ᒪᓕᒐᕋᓛᖅ ᐊᓯᔾᔨᐸᑉᐳᖅ ᐃᓛᓐᓂᓚᐅᒃᑯᑦ, ᑭᓯᐊᓂ ᐊᓯᔾᔨᖅᑕᐅᔪᑦ ᐊᑦᑐᐃᕙᙱᓚᑦ ᐴᔅᑎᐊᒃᑯᑦ ᓴᐳᒻᒥᓂᖏᓐᓂ ᑲᙳᓇᖅᑐᓂᒃ ᓂᐅᕕᖅᐸᑦᑐᑦ ᑐᓴᐅᒪᔾᔪᑎᖏᓐᓂᒃ. ᐊᓯᔾᔩᓐᓂᕈᑎᒃ ᐴᔅᑎᐊᒃᑯᑦ ᑕᑯᔅᓴᕈᖅᑎᒃᑎᒐᔭᕐᒥᔪᑦ ᐃᑭᐊᖅᑭᕕᖓᒍᑦ. ᐴᔅᑎᐊᒃᑯᑦ ᐊᓯᔾᔩᔪᓐᓇᖅᑐᑦ ᖃᖓᑐᐃᓐᓇᒃᑯᑦ ᖃᔪᐃᒋᐊᖃᑦᑕᕆᑦ.

ᐊᑑᑎᖓ

ᐴᔅᑎᐊᒃᑯᑦ ᓄᐊᑦᑎᕙᑉᐳᑦ ᑲᙳᓇᖅᑐᓂᒃ ᐅᑯᐊ ᐱᔾᔪᑎᒋᓪᓗᒋ:

ᐃᓂᔅᓴᓕᐅᕋᐃᒐᕕᓐ

ᐃᓂᔅᓴᓕᐅᕋᐃᒐᕕᓐ ᑐᓂᓯᔭᕆᐊᖃᕋᔅᓯ ᐃᕝᕕᑦ ᒥᔅᓵᓅᖓᔪᓂᒃ ᐃᓂᔅᓴᖃᑦᑎᐊᕈᓐᓇᖁᓪᓗᑎᑦ. ᐅᑯᓂᖓ ᐱᑕᖃᕈᓐᓇᖅᐳᑦ, ᐊᑏᑦ, ᑐᕌᕈᑏᑦ,ᐅᖄᓚᐅᑏᑦ,ᐊᑭᓕᔅᓴᓂᐅᑏᑦ ᐃᓱᓕᕝᕕᐊᓗ. ᐃᓕᓴᕐᓯᔪᓐᓇᕐᓂᒻᒧᑦ ᖃᐅᔨᒃᑲᐃᔭᕆᐊᖃᕐᓂᕐᒧᑦ ᐊᒻᒪᓗ ᐱᔭᕇᖁᓪᓗᒍ ᖃᖓᑦᑕᐅᑎᑖᕐᓃᑦ.

ᐱᖁᔭᐅᔪᑦ ᒐᕙᒻᒪᒃᑯᓐᓐᓂᑦ

ᐃᓛᓐᓂᒃᑯᑦ ᐴᔅᑎᐊᒃᑯᑦ ᐱᔭᕆᐊᖃᖅᐸᑉᐳᑦ  ᒪᓕᒐᐃᑦ ᒪᓕᑦᑐᒋᑦ ᓄᐊᑦᑎᓗᑎᒃ, ᐊᑐᕐᓗᑎᒃ, ᑐᓂᓯᓗᑎᓪᓘᓐᓃᑦ ᐃᕝᕕᑦ ᒥᔅᓵᓄᑦ ᖃᐅᔨᙱᒃᑲᓗᐊᕐᑎᓪᓗᑎᑦ ᐊᐱᕆᔭᐅᙱᓪᓗᑎᓪᓘᓐᓃᑦ. ᑕᐃᒪᐃᒍᓐᓇᖅᐳᖅ ᖃᖓᑕᑎᓪᓗᑎᑦ ᐊᒻᒪᓗ ᒐᕙᒪᒃᑯᓐᓂ ᐃᖅᑲᓇᐃᔭᕐᑎᒧᑦ ᐱᔪᒪᔭᐅᑉᐸᑦ. ᐴᔅᑎᐊᒃᑯᑦ ᐱᖁᔭᐅᑐᐃᓐᓇᕆᐊᖃᖅᐳᑦ ᐅᖃᖁᔭᐅᓗᑎᒃ ᐊᐅᓪᓛᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓂᑦ ᓇᑭᑐᐃᓐᓇᖅ ᓄᓇᓕᕐᔪᐊᓂᑦ ᐃᕝᕕᑦ ᒥᔅᓵᓄᖓᔪᓂᑦ

ᐃᓕᖅᑯᓯᕐᓱᖏᑦᑐᓂᒃ ᐃᑲᔪᕐᓂᖅ

ᐴᔅᑎᐊᒃᑯᑦ ᖃᓄᑐᐃᓐᓇᖅ ᐃᑲᔪᕈᓐᓇᖅᐳᑦ ᐃᓕᖅᑯᓯᕐᓱᖏᑦᑐᓄᑦ ᐅᕝᕙᓘᓐᓃᑦ ᐃᓄᑑᔪᓂᒃ ᓱᕈᓯᕐᓂᒃ.

ᐃᑲᔪᑦᑎᐊᖁᓪᓗᑕ ᐃᓕᖅᑯᓯᕐᓱᑎᐊᙱᑦᑐᓂᒃ ᖃᓄᐃᖏᑦᑎᐊᕐᓂᖓ ᐊᒻᒪᓗ ᐊᑕᓇᖅᑕᐃᓕᓂᖓ ᐃᓱᒫᓗᒋᕙᑉᐸᕗᑦ, ᑕᐃᒪᐃᒻᒪᑦ ᑐᑭᓯᑦᑎᐊᕈᒪᕙᑉᐳᒍᑦ ᐊᓯᖏᓐᓂᑦ ᐃᕝᕕᑦ ᒥᔅᓵᓄᑦ ᐱᓗᐊᖅᑐᒥᒃ ᐋᓐᓂᐊᖅᑕᐃᓕᓂᕐᒧᑦ, ᑭᓱᒥᒃ ᓂᕆᕙᒻᒪᖔᖅᐱᑦ ᐊᒻᒪᓗ ᑭᓱᒥᒃ ᐱᔭᕆᐊᖃᕐᒪᖔᖅᐱᑦ, ᑲᐃᓪᓗᐊᕈᒻᒥᓘᓐᓃᑦ, ᐊᓂᖅᓵᕐᑑᑎᒥᓪᓘᓐᓃᑦ ᐅᕝᕙᓘᓐᓃᑦ ᐊᓯᐊᓂᒃ ᐃᓅᓕᓴᐅᑎᓂᒃ ᐱᔭᕆᐊᖃᕐᑕᓐᓂᒃ. ᑖᑯᐊ ᑐᑭᓯᐅᒪᔾᔪᑎᑦ ᐅᖃᐅᓯᐅᔭᕆᐊᓖᑦ ᐴᔅᑎᐊᒃᑯᑦ ᐱᔨᑦᑎᖅᑎᐊᖁᓪᓗᒋᑦ.

ᐱᔨᑦᑎᓐᓂᐊᕈᑦᑕ ᓱᕈᓯᕐᒥᒃ ᒪᓕᑦᑕᐅᖏᑦᑐᒥᒃ, ᐴᔅᑎᐊᒃᑯᑦ ᑐᑭᓯᔭᕆᐊᖃᖅᐳᑦ ᐅᑯᓂᖓ: ᑭᓇᐅᒻᒪᖔᑦ ᓱᕈᓯᖅ, ᐊᖏᔪᖅᑳᖏᑦ, ᐃᓐᓇᖅ ᐋᑦᑎᔪᖅ, ᐃᓐᓇᖅ ᐅᐊᑦᑎᔪᖅ ᓄᖅᑲᑲᐃᓐᓇᖅᑎᓪᓗᒋᑦ ᐊᒻᒪᓗ ᐃᓐᓇᖅ ᐊᐃᔅᓯᕐᓯᒪᔪᖅ ᑎᑭᕝᕕᐊᓂ.

ᐊᑭᑭᓪᓕᒋᐊᕈᑎᑦ

ᐴᔅᑎᐊᒃᑯᑦ ᐊᑭᑭᓪᓕᒋᐊᕆᔪᓐᓇᖅᑯᑦ ᐃᓐᓇᕐᓄᑦ, ᐃᓐᓇᑐᖃᕐᓄᑦ, ᓱᕈᓯᕐᓄᑦ, ᐊᒻᒪᓗ ᐃᓅᔪᓐᓃᕐᑐᖃᖅᑐᒥᓂᐅᑉᐸᑦ. ᐊᑭᑭᓪᓕᒋᐊᕆᐊᖃᕐᒪᖔᖅᐱᑦ ᐊᒻᒪᓗ ᖃᖓᑦᑕᐅᑏᑦ ᐋᖅᑭᑦᑕᐅᑦᑎᐊᖁᓪᓗᒍ ᐴᔅᑎᐊᒃᑯᑦ ᐱᔭᕆᐊᖃᕐᓂᐊᕐᐳᑦ ᐃᕝᕕᑦ ᒥᔅᓵᓄᖓᔪᓂᒃ ᓲᕐᓗ ᐃᓅᕕᒥᓃᑦ ᐅᕝᕙᓘᓐᓃᑦ ᓇᓗᓇᖅᓯᒪᔪᖅ ᑎᑎᖅᑲᖅ ᐃᓅᔪᓐᓃᕐᑐᖃᕐᓂᖅᑲᑦ.

ᐳᓛᕆᐊᕐᓗᒍ ᐃᑭᐊᖅᑭᕕᕗᑦ

ᐃᓚᖏᑦ ᐴᔅᑎᐊᒃᑯᑦ ᐃᑭᐊᖅᑭᕕᖏᑦ ᐃᓗᓕᖃᖅᐳᑦ ᓇᓗᓇᐃᒃᑯᑕᕐᓂᑦ  ᐃᕝᕕᑦ ᐃᑭᐊᖅᑭᔾᔪᑎᖓᓅᖅᑕᐅᔪᓐᓇᖅᑐᓂᒃ ᐊᒻᒪᓗ ᐃᕝᕕᑦ ᖃᕋᓴᐅᔭᖓᓃᓕᕐᓗᑎᒃ. ᑕᐃᒫᒃ ᖃᕋᓴᐅᔭᐃᑦ ᐃᓕᓴᕐᓯᔪᓐᓇᖅᑯᖅ ᐃᑭᐊᖅᑭᕕᒻᒨᑲᓐᓂᕈᕕᑦ ᐊᒻᒪᓗ ᐴᔅᑎᐊᒃᑯᑦ ᐊᑲᐅᓯᒋᐊᕆᔪᓐᓇᖁᓪᓗᒋᑦ ᐃᑭᐊᖅᑭᕕᖓᓂᑦ. ᑖᒃᑯᐊ ᓇᓗᓇᐃᒃᑯᑏᑦ ᐃᕝᕕᑦ ᒥᔅᓵᓄᖓᔪᓂᒃ ᐱᑕᖃᒐᔪᐃᑉᐳᑦ.

ᓯᕗᓪᓕᐅᓂᕐᒥᒃ ᑎᑎᖅᑲᑖᕐᕕᒃ

ᓂᐅᕕᖅᐸᑦᑐᑦ ᐱᔪᒪᒍᑎᒃ ᐱᖃᑕᐅᓕᕈᓐᓇᖅᐳᑦ ᓯᕗᓪᓕᐅᓂᕐᒥᒃ ᑎᑎᖅᑲᑖᐸᑦᑐᓂᒃ. ᐱᖃᑕᐅᔪᒪᒍᕕᑦ ᓂᐅᕕᖅᐸᑦᑐᑦ ᑐᓂᓯᔭᕆᐊᖃᖅᑯᑦ ᓇᒻᒥᓄᑦ ᒥᔅᓵᓄᖓᔪᓂᒃ ᐴᔅᑎᐊᒃᑯᑦ ᖃᐅᔨᒃᑲᐃᔪᓐᓇᖁᓪᓗᒋᑦ ᐊᑭᑭᓪᓕᒋᐊᕐᓯᒪᔪᑦ ᒥᔅᓵᓄᑦ. ᐱᖃᑕᐅᔪᒪᒎᓐᓃᕈᕕᑦ ᑎᑎᖅᑲᑖᖅᐸᑦᑐᓄᑦ, ᐅᖃᕆᐊᖃᕋᔭᖅᐳᑎᑦ ᐃᕐᖐᓇᖅᑕᐅᑎᒃᑯᑦ ᐅᕗᖓ reservat@firstair.ca.

ᐃᕝᕕᑦ ᒥᔅᓵᓄᖓᔪᑦ ᑐᓂᔭᐅᕙᙱᑦᑐᑦ ᐊᓯᑦᑎᓐᓄᑦ ᐊᒻᒪᓗ ᑎᑎᖅᑲᐅᓯᐊᕋᔭᖅᑐᑎᑦ ᑭᓯᐊᓂ ᐴᔅᑎᐊᒃᑯᓐᓃᖓᖅᑐᓂᒃ.

ᐃᖅᑲᓇᐃᔮᑦᓴᐃᑦ

ᐴᔅᑎᐊᒃᑯᑦ ᐃᖅᑲᓇᐃᔮᑦᓴᖅᑕᖃᓕᕋᐃᒻᒪᑦ ᓴᖅᑭᔮᖅᑎᑦᑎᓲᖑᕗᑦ ᐃᑭᐊᖅᑭᕕᒃᑯᑦ. ᑭᓇᑐᐃᓐᓇᖅ ᐆᑦᑐᕈᓂ ᐃᖅᑲᓇᐃᔮᑦᓴᒧᑦ ᑕᑕᕿᕐᔪᓐᓇᖅᐳᖅ ᐊᐱᖅᑯᓯᖃᖅᑐᓂᒃ ᖃᐅᔨᒪᔭᐅᔪᑎᓂᒃ ᑭᓇᐅᓂᕐᓂᒃ ᐅᕝᕙᓘᓃᑦ ᑐᓂᓯᒍᓐᓇᕆᓪᓗᑎᑦ ᓇᓗᓇᐃᖅᑐᓯᒪᔪᓂᒃ ᐃᕝᕕᑦ ᐃᖅᑲᓇᐃᔮᕆᓯᒪᔭᖏᓐᓂᑦ. ᑖᒃᑯᐊ ᖃᐅᔨᒪᔭᐅᔾᔪᑎᑎᑦ ᖃᐅᔨᒪᔾᔪᑎᐅᒐᔭᖅᐳᑦ ᖃᐅᔨᓴᖅᑕᐅᓗᑎᓪᓗ ᐱᔪᓐᓇᑎᐊᕐᒪᖔᖅᐱᑦ. ᐱᔪᒪᔾᔪᑎᑎᑦ ᐱᓯᒪᒐᔭᖅᑕᕗᑦ ᑕᖅᑭᓄᑦ ᐱᖓᓲᔪᖅᑐᓄᑦ ᑭᖑᓂᖓᒍᑦ ᓱᕋᐃᔭᖅᑕᐅᒐᔭᖅᐳᑦ.

ᐱᖁᔨᔾᔪᑎ

ᖃᖓᑦᑕᐅᓯᕋᐃᒐᕕᑦ ᐴᔅᑎᐅᑯᑎᒍᑦ ᐊᓱᐃᓪᓛᒃ ᖃᖓᑦᑕᐅᓯᕐᓃᑦ ᐊᑐᖅᑕᐅᓲᖑᕗᖅ ᐃᕝᕕᑦ ᐱᖁᔨᓂᖓᓂᑦ ᖃᐅᔨᒪᔭᐅᔪᑎᓐᓂᑦ ᐊᑐᖅᑕᐅᖁᔨᓪᓗᑎᑦ.

ᐱᔪᒪᔾᔪᑎᓕᐅᕐᓂᕈᕕᑦ ᐴᔅᑎᐊᑯᓐᓂᑦ ᓯᕗᓪᓕᐅᔪᒪᓂᕐᒧᑦ, ᐃᖅᑲᓇᐃᔮᔅᓴᒧᑦ ᐆᑦᑐᕐᓂᕈᕕᑦ, ᐅᕝᕙᓘᓐᓃᑦ ᒪᓂᒪᑎᑦᑎᑎᓪᓗᒋᑦ ᐱᑖᕋᓱᐊᕐᓂᕐᒧᑦ, ᐊᖏᕈᑎᖃᖅᐳᑎᑦ ᐴᔅᑎᐊᑯᓐᓄᑦ ᖃᐅᔨᒃᑲᖅᑕᐅᔪᒪᓪᓗᑎᑦ.

ᑭᓪᓕᖃᖅᑎᑦᑎᓂᖓ ᓄᐊᑦᑎᓂᕐᒧᑦ

ᐴᔅᑎᐊᒃᑯᑦ ᑭᓪᓕᖃᖅᑎᑦᑎᓂᐊᕐᐳᑦ ᓄᐊᑦᑎᓗᑎᒃ ᐃᕝᕕᑦ ᒥᔅᓵᓄᖓᔪᓂᒃ ᐃᓕᓴᕆᔭᐅᓯᒪᔪᒧᑦ. ᓄᐊᑕᐅᔪᑦ ᑐᑭᖃᕐᓂᐊᖅᐳᑦ ᐊᒻᒪᓗ ᒪᓕᒐᕐᓄᑦ ᓇᒻᒪᓈᕐᓯᒪᓗᑎᒃ.

ᖃᓄᐃᑦᑑᒐᓗᐊᖅᐸᑦ ᐊᒻᒪᓗ ᑭᓲᒐᓗᐊᖅᐸᑦ ᓄᐊᑕᐅᔪᑦ ᐃᕝᕕᑦ ᒥᔅᓵᓄᖓᔪᑦ ᒥᔅᓯᖃᕆᐊᖃᖅᐳᖅ ᐃᓕᓴᕆᔭᐅᓯᒪᓗᓂᓗ.

ᑭᓪᓕᖃᖅᑎᑦᑎᓂᖅ, ᑐᓂᓯᓂᖅ ᐊᒻᒪᓗ ᑕᓱᐃᓂᖅ

ᐴᔅᑎᐊᒃᑯᑦ ᑐᓂᓯᔾᔮᙱᓚᑦ ᐅᕝᕙᓘᓐᓃᑦ ᐊᑐᔾᔮᙱᓚᑦ ᐃᕝᕕᑦ ᒥᔅᓵᓄᖓᔪᓂᒃ ᖃᐅᔨᒃᑲᖅᑕᐅᓚᐅᙱᓂᕐᓂᑦ ᐊᒻᒪᓗ ᐊᖏᓚᐅᙱᓂᕐᓂᑦ ᑕᐃᒪᐃᒋᐊᖃᕐᒪᑦ ᒪᓕᒐᑎᒍᑦ.

ᑐᑭᓯᒋᐊᕈᑏᑦ ᐱᔭᐅᓂᐊᕐᑐᑦ ᐊᑑᑎᒋᓂᐊᕐᑕᖏᓐᓄᑦ ᑭᓯᐊᓂ ᐊᑐᕐᓂᐊᖅᐸᑕ.

ᐱᓯᒪᑦᑎᑎᐊᕐᓂᖅ

ᐴᔅᑎᐊᒃᑯᑦ ᖃᕋᓴᐅᔭᓕᕆᔾᔪᑎᖏᑦ ᐋᖅᑭᓱᖅᓯᒪᕗᑦ ᐱᓯᒪᑦᑎᐊᕈᓐᓇᕐᓗᑎᒃ ᖃᐅᔨᒪᔭᐅᔾᔪᑎᓂᒃ. ᑐᑭᖃᖅᐳᖅ ᐃᓄᒃ ᑐᓂᓯᓐᓂᕈᓂ ᖃᐅᔨᒪᔾᔪᑎᓂᒃ ᓲᕐᓗ ᐊᑭᓕᒃᓴᖃᐅᑏᑦ, ᖃᕋᓴᐅᔭᖏᑦ ᐴᔅᑎᐊᒃᑯᑦ ᐱᓯᒪᑦᑎᐊᕈᓐᓇᕐᓗᑎᒃ ᐋᖅᑭᓱᖅᓯᒪᕗᑦ.

ᐱᖃᓯᐅᑎᓗᒍ, ᐃᕝᕕᑦ ᒥᔅᓵᓅᖓᔪᑦ ᖃᐅᔨᒪᔾᔪᑏᑦ ᐱᓯᒪᔭᐅᕙᑉᐳᑦ ᐅᐸᑦᑕᐅᔭᕆᐊᖃᙱᑦᑐᒥᒃ. ᑖᑯᐊ ᐅᐸᑦᑕᐅᔭᕆᐊᖃᙱᑦᑐᑦ ᐅᐸᑦᑕᐅᕙᑉᐳᑦ ᐋᑦᑎᔨᐅᕙᑦᑐᓄᑦ ᑭᓯᐊᓂ.

ᒪᑐᐃᖓᑦᑎᐊᕐᓂᖅ

ᐴᔅᑎᐊᒃᑯᑦ ᑲᙳᓇᖅᑐᓕᕆᓲᖑᓂᖏᑦ ᓇᓗᓇᐃᖅᑐᖅᓯᒪᕗᑦ ᒪᓕᒐᕋᓛᖏᓐᓂᑦ. ᐊᐱᖅᑯᑎᔅᓴᖃᕈᕕᑦ ᐅᖃᐅᓯᔅᓴᖃᕈᕕᓪᓘᓐᓃᑦ ᑲᙳᓇᖅᑐᓕᕆᔨᕗᑦ ᖃᐅᔨᒃᑲᕈᓐᓇᖅᑕᐃᑦ ᐃᕐᖐᓈᖅᑕᐅᑎᒃᑯᑦ privacyofficer@firstair.ca.

ᐴᔅᑎᐊᒃᑯᑦ ᐊᑐᐃᓐᓇᐅᑎᑦᑎᓂᐊᖅᐳᑦ ᑐᑭᓯᐅᒪᔾᔪᑎᓂᑦ ᒪᓕᒐᕋᓛᖏᑕ ᐅᕝᕙᓘᓐᓃᑦ  ᐊᐅᓚᑦᑎᓂᖏᑕ ᑐᑭᓯᐅᒪᔾᔪᑎᓂᒃ, ᑎᑭᑦᑐᒍ ᐃᓄᓐᓄᑦ ᑐᔅᓯᕋᖅᐸᑦᑐᓄᑦ.

ᑭᓇᒧᑦ ᐱᔭᔅᓴᐅᔪᑦ

ᑐᔅᓯᕋᐅᑎᒃᑯᑦ, ᑭᓇᑐᐃᓐᓇᖅ ᐅᖃᐅᔾᔭᐅᓂᐊᕐᐳᖅ ᐱᑕᖃᕐᐸᑦ, ᐊᑐᖅᑕᐅᑉᐸᑦ, ᐅᖃᓯᖃᕐᓗᓂᓘᓐᓃᑦ ᓇᒻᒥᓄᑦ ᖃᐅᔨᒪᔭᐅᔾᔪᑎᓂᑦ ᑐᓂᔭᐅᓂᐊᕐᐳᖅ ᐱᔪᓐᓇᕐᓗᓂᒋᑦ ᒪᓕᑐᐊᖅᐸᑕ ᒪᓕᒐᖏᓐᓂᑦ.
ᑭᓇᑐᐃᓐᓇᖅ ᖃᐅᔨᒋᐊᕐᕈᓐᓇᖅᐳᖅ ᓱᓕᑦᑎᐊᕋᓗᐊᕐᒪᖔᑕ ᐊᒻᒪᓗ ᑐᑭᖃᖅᑎᐊᕋᓗᐊᕐᒪᖔᑕ ᐅᕝᕙᓘᓐᓃᑦ ᐊᓯᔾᔨᕆᐊᖃᕐᒪᖔᑕ.

ᐅᓇᖕᒥᑦᑎᓂᖅ ᒪᓕᑦᑎᐊᕐᓂᕐᒥᒃ

ᑭᓇᑐᐃᓐᓇᖅ ᐅᓇᖕᒥᑦᑎᔪᓐᓇᕐᐳᖅ ᐱᔾᔪᑎᖃᕐᓗᓂ ᐴᔅᑎᐊᒃᑯᑦ ᒪᓕᑦᑎᐊᕋᓗᐊᕐᒪᖔᑕ ᑖᑯᓂᖓ ᒪᓕᒐᕋᓛᓂᒃ ᑖᑯᓂᖓ ᑐᑭᒧᐊᖅᑎᑦᑎᔨᒧᑦ, ᐃᖅᑲᓇᐃᔭᕐᑐᓕᕆᔨᒧᑦ ᐊᒻᒪᓗ ᐴᔅᑎᐊᒃᑯᑦ ᑲᙳᓇᖅᑐᓕᕆᔨᖓᓄᑦ.

ᐴᔅᑎᐊᒃᑯᑦ ᖃᐅᔨᓴᕐᓂᐊᖅᐳᑦ ᐅᓐᓂᕐᓘᑎᓕᒫᓂᒃ. ᐅᓐᓂᕐᓘᑕᐅᔪᖅ ᒥᔅᓯᖃᖅᑲᑦ, ᐴᔅᑎᐊᒃᑯᑦ ᐋᖅᑮᒋᐊᕐᓂᐊᕐᐳᑦ ᓇᐅᒃᑯᑐᐃᓐᓇᖅ, ᐱᖃᓯᐅᑎᓗᒍ, ᐊᓯᔾᔩᒋᐊᖃᕈᑎᒃ ᒪᓕᒐᕋᓛᖏᓂᑦ ᐊᑐᐊᒐᖏᓐᓂᓪᓘᓐᓃᑦ.

ᑲᙳᓇᖅᑐᓕᕆᔨ ᖃᐅᔨᒃᑲᕋᔅᓴᐅᔪᖅ ᐃᕐᖐᓈᖅᑕᐅᑎᒃᑯᑦ privacyofficer@firstair.ca, ᑎᑎᖅᑲᒃᑯᓪᓘᓐᓃᑦ ᐅᕗᖓ:

Privacy Officer
First Air
20 Cope Drive
Kanata, ON
K2M 2V8

ᑲᙳᓇᖅᑐᓕᕆᔨᒧᑦ ᐃᓱᒫᓗᑎᒋᔭᐃᑦ ᑲᒪᒋᔭᐅᔪᓐᓇᖏᑉᐸᑦ, ᐊᓯᖏᓐᓂ ᑐᑭᓯᒋᐊᒃᑲᓐᓂᕈᑎᔅᓴᓂᒃ ᐱᕝᕕᔅᓴᐅᒻᒥᔪᖅ ᑲᙳᓇᖅᑐᓕᕆᔨᒃᑯᑦ ᑲᒥᓴᓇᖓᓐᓂ ᑲᓇᑕᒥ ᐅᕙᓂ www.privcom.gc.ca.