ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

Slider-sidebar-230x210-Livery
FirstAir-Promo-2XAeroplan-SliderWeb-SMALL

ᐋᖅᑭᐅᒪᑎᑦᑎᓂᕐ

ᕗᔅ ᑎᐊᒃᑯᑦ ᓱᕋᒃᓯᒪᔪᓕᕆᔨᖏᑦ ᓴᓇᒪᓂᖏᓐᓄᑦ ᐃᖏᕐᕋᑦᑎᐊᖏᓐᓇᕈᑎᓄᓪᓗ ᐃᑲᔪᖃᑦᑕᖁᑦ ᕗᔅ ᑎᐊᒃᑯᓐᓄᑦ ᐊᓯᖏᓐᓄᓪᓗ ᖃᖓᑕᓲᓕᕆᔨᐅᔪᓄᑦ ᑲᒻᐸᓂᐅᔪᓄᑦ. ᐋᑐᕚᒥ ᐃᓂᖃᖅᑎᓪᓗᒍ, ᑲᓇᑕ ᐅᑭᐅᖅᑕᖅᑐᒥ ᐊᑕᕕᖃᓪᓚᕆᑦᑎᓪᓗᒍ, 60 ᐅᑭᐅᑦ ᐅᖓᑖᓂ ᖃᖓᑕᓲᓕᕆᓂᕐᒥ ᐋᖅᑭᐅᒪᑦᑎᐊᖅᑎᑦᑎᓂᕐᒥ ᑲᒪᖃᑦᑕᖅᓯᒪᕗᒍᑦ ᖃᖓᑕᓲᕋᓛᓂᑦ ᑕᒪᒃᑯᓄᖓ ᓱᐴᖅᑐᕐᔪᐊᓄᑦ ᐅᓯᖃᖅᑕᐅᑎᓄᑦ ᐃᓄᒃᑕᐅᑎᓄᓪᓗ 727 ᐊᒻᒪᓗ 737 ᓱᒃᑲᔪᑦ ᖃᖓᑕᓲᖏᓐᓂ.

ᐊᓯᔾᔨᖅᐸᓪᓕᐊᔭᕆᐊᖃᕐᓂᖓᓄᑦ

ᖃᐅᔨᒪᕗᒍᑦ ᖃᖓᑕᓲᑎᓯ ᖃᖓᑕᔭᕆᐊᖃᕐᓂᖏᓐᓄᑦ. ᐱᓕᕆᓯᒪᓂᑯᑦᑎᐊᖅᑐᖁᑎᕗᑦ ᐱᐅᖅᐹᑎᒍᑦ ᐊᓯᔾᔩᔪᓐᓇᖅᐳᑦ. ᕘᔅᑦ ᐃᐅᒃᑯᓐᓂ ᐋᖅᑭᐅᒪᑎᑦᑎᓂᕐᒧᑦ ᐱᔨᑦᑎᕋᕈᑎᖏᓐᓄᑦ ᓯᕗᓪᓕᖅᐹᖅ ᑐᕌᕆᔭᖓᑦ ᖁᕝᕙᓯᖕᓂᐅᔪᓕᒫᓂᑦ ᐱᓕᕆᓂᕆᔭᑦᑎᓐᓂᑦ ᑐᓂᓯᓂᕐᒧᑦ ᓱᓕᓂᐊᕐᓂᕋᕈᑎᒋᓯᒪᔭᕗᑦ ᐱᐅᓂᖓᓂᒃ, ᐊᑦᑕᕐᓇᖅᑕᐃᓕᒪᑎᑦᑎᓂᖅ ᐊᒻᒪᓗ ᐱᔨᑦᑎᕋᕈᑎᑦ, ᓈᒻᒪᓈᕆᓂᖅ, ᓈᒻᒪᒃᑐᖅ ᐊᑭᖏᓐᓂᒃ. ᑖᓐᓇ ᑐᕌᑲᐅᑎᒋᔪᒥᒃ ᑕᐃᒪᐃᓕᔾᔪᑎᐅᓯᒪᕗᖅ ᐱᑕᖃᖅᑎᑦᑎᔪᓐᓇᖅᑐᖁᑎᒋᓯᒪᔭᕗᑦ: ᐃᓄᖁᑎᕗᑦ.

ᖃᖓᑕᓲᑦ ᖃᓄᐃᑦᑑᓂᖏᑦ

ᐱᓕᕆᓪᓗᐊᑕᕐᓂᖃᖃᑦᑕᖅᐳᒍᑦ ᑭᓯᐊᓂ ᑭᒡᓕᖃᖏᑦᑐᑦ ᐅᑯᓄᖓ DHC-6 ᒪᕐᕈᓕᕋᓛᑦ, ᑖᔅ 7, ᕼᐊᑯ ᓯᑦᑎᓕ 748, ᐴᐃᖕ 727 ᐊᒻᒪᓗ 737, ᖃᖓᑕᓲᕐᔪᐊᖅ ᐊᒻᒪᓗ ATR 42-300.

ᐋᖅᑭᐅᒪᑎᑦᑎᓂᕐᒧᑦ ᐱᔨᑦᑎᕋᕈᑎᑦ

ᖁᕝᕙᓯᒃᑐᒥᒃ ᐱᓕᒻᒪᒃᓴᖅᑕᐅᓯᒪᔪᑦ ᐃᖅᑲᓇᐃᔭᖅᑎᕗᑦ ᐱᓕᕆᓯᒪᓂᑰᑦᑎᐊᖅᐳᑦ ᑭᓱᓕᒫᓂᑦ ᐊᖏᓂᖅᐹᑎᒍᑦ ᖃᐅᔨᕐᓴᓂᐅᔪᓄᑦ ᐊᒻᒪᓗ ᓄᑖᕈᕆᐊᖅᑎᑦᑎᓂᐅᔪᓄᑦ, ᐅᐊᔭᓂᒃ ᐊᒻᒪᓗ ᐅᖁᒪᐃᑦᑐᓂᒃ ᖃᐅᔨᓴᕐᓂᐅᔪᓂᒃ, ᐊᓯᔾᔩᓂᐅᔪᓂᒃ ᐃᓚᒋᔭᐅᓪᓗᑎᒃ ᖃᖓᑕᓲᑉ ᐱᓕᕆᔾᔪᑎᖏᓐᓄᑦ ᓴᓇᕝᕕᖕᓂᒃ, ᖃᖓᑕᓲᑉ ᐱᓕᕆᔾᔪᑎᖏᓐᓂᒃ ᐃᓕᐅᖅᑲᐃᓂᕐᒧᑦ ᐊᒻᒪᓗ ᓄᑖᕈᕆᐊᖅᑎᑦᑎᓂᕐᒧᑦ, ᐃᓗᓕᖏᓐᓂᒃ ᓴᓇᕝᕕᖓᓄᑦ ᐱᔨᑦᑎᕋᕈᑎᑦ, ᓵᑦᑐᑦ ᓴᕕᕋᔭᖕᓄᑦ ᐱᔨᑦᑎᕋᕈᑎᑦ, ᓱᕋᐃᖏᑦᑐᓂᒃ ᖃᐅᔨᓴᕐᓂᕐᒧᑦ ᐱᔨᑦᑎᕋᕈᑎᑦ, ᖄᖓᑕᓲᓂᒃ ᐋᖅᑭᒋᐊᖅᓯᓂᕐᒧᑦ ᐊᒻᒪᓗ ᓄᑖᕈᕆᐊᖅᑎᑦᑎᓂᕐᒧᑦ ᐊᒻᒪᓗ ᓴᓇᔭᐅᓯᒪᓂᐊᖅᑐᓂᒃ ᐋᖅᑭᒃᓱᐃᔨᐅᓪᓗᑎᒃ ᑎᑎᕋᐅᔭᕐᓂᕐᒧᑦ ᐱᔨᑦᑎᕋᕈᑎᑦ. ᐱᖁᑎᖃᖅᑐᑦ ᓄᓇᕐᔪᐊᓕᒫᒥ ᓈᓴᐃᓂᕐᒧᑦ ᓇᓂᓯᔾᔪᑎᓂᒃ ᓂᐅᕕᖅᐸᒃᑐᖁᑎᕗᑦ ᐃᓕᖕᓂᒃ ᐱᓕᕆᖃᑎᖃᕋᔭᖅᑐᑦ ᐱᑕᖃᖅᑎᑦᑎᓂᕐᒧᑦ ᐱᐅᓂᖅᐹᒃᑯᑦ ᓂᐅᕐᕈᑎᖃᕐᓂᒃᑯᑦ ᐊᑐᐃᓐᓇᐅᑎᑕᐅᔪᑦ ᐊᑭᖏᓐᓂᒃ. ᑖᒃᑯᐊ ᐱᔨᑦᑎᕋᕈᑎᐅᔪᑦ ᐱᓇᓱᐊᖅᑕᕐᓂᒃ ᓅᑎᑦᑎᓂᕐᒧᑦ ᐱᕙᓪᓕᐊᑎᑕᐅᕗᑦ ᐃᓂᕐᓴᓕᐅᖅᓯᒪᔪᑎᒍᑦ.