ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

Slider-sidebar-230x210-Livery
FirstAir-Promo-2XAeroplan-SliderWeb-SMALL
ᖃᖓᑕᓗᓂ ᐴᔅᑎᐊᑯᓐᓂᑦ

ᐊᔾᔨᐅᖏᑦᑐᒥᒃ ᐱᔭᐅᔭᕆᐊᓕᖕᓄᑦ ᐃᑭᒪᔨᐊᖑᔪᓂᑦ

ᐴᔅᑎᐊᒃᑯᑦ ᐱᔨᑦᑎᕐᐸᒃᐳᑦ ᐃᑭᒪᕙᑦᑐᓄᑦ ᐃᑲᔪᖅᑕᐅᔭᕆᐊᓕᖕᓄᑦ, ᑲᐃᓪᓗᐊᕈᑎᒦᒃᑯᕕᑦ ᐅᕝᕙᓘᓐᓃᑦ ᐱᕕᑐᓂᕐᓴᒦᒋᐊᖃᕈᕕᑦ, ᓱᕈᓯᓛᓕᔭᕈᕕᑦ, ᐆᒪᔪᖁᑎᖃᕈᕕᓪᓘᓐᓃᑦ ᐅᕝᕙᓘᓐᓃᑦ ᖃᐅᔨᒃᑲᐃᓗᑎᑦ ᑭᓱᒥᒃ ᓂᕆᔭᕆᐊᖃᙱᒃᑯᕕᑦ.

ᓱᕈᓰᑦ

ᓱᕈᓰᑦ ᐅᑭᐅᓖᑦ 12 ᐊᑖᓂ ᖃᖓᑕᔪᓐᓇᕐᑐᑦ ᒪᓕᑦᑕᐅᑐᐊᕈᑎᒃ ᐊᕐᕌᒍᓕᒻᒧᑦ 12 ᐅᖓᑖᓂ. ᓱᕈᓯᖅ ᓄᑕᕋᕐᓘᓐᓃᑦ ᐊᕐᕌᒍᓕᒃ ᒪᕐᕉᒃ ᐊᑖᓂ ᐊᑭᖃᙱᓪᓗᓂ ᖃᖓᑕᔪᓐᓇᕐᑐᖅ ᓴᓂᓕᖃᕐᓂᐊᑐᐊᖅᐸᑦ ᐊᕐᕌᒍᓕᒻᒥ 12 ᐅᖓᑖᓂ.

ᓱᕈᓯᖅ ᐊᕐᕌᒍᓕᒃ 12 ᐊᑖᓂ ᐊᑭᑭᓪᓕᒋᐊᕈᓐᓇᕐᑐᖅ 10%-ᒥᒃ ᖃᖓᑕᓂᐊᕈᓂ.

ᓱᕈᓯᖅ ᖃᖓᑕᔪᖅ ᐃᓄᑑᓗᓂ

ᓱᕈᓯᖅ ᐊᕐᕌᒍᓕᒃ ᑕᓪᓕᒪᑦ ᐊᑖᓂ ᖃᖓᑕᔭᕆᐊᖃᙱᓚᖅ ᐃᓄᑑᓗᑎᒃ ᖃᖓᑐᐃᓐᓇᖅ.

ᓱᕈᓰᑦ ᐊᕐᕌᒍᓖᑦ 5-ᒥᒃ 11-ᒧᑦ ᐊᐅᓪᓚᖅᑐᑦ ᐃᓄᑑᓗᑎᒃ ᑕᐃᔭᐅᓲᖑᕗᑦ “ᒪᓕᑦᑕᐅᖏᑦᑐᑦ ᓱᕈᓰᑦ” ᑭᓯᐊᓂ ᐊᖏᖅᑕᐅᔪᓐᓇᕐᑐᑦ ᐅᑯᐊ ᒪᓕᓪᓗᒋᑦ:

  • ᐊᖏᔪᖅᑳᕆᔭᐅᔪᖅ ᐅᕝᕙᓘᓐᓃᑦ ᐅᐊᑦᑎᔪᓐᓇᕐᑐᒥᒃ ᐃᓐᓇᕐᒧᑦ ᖃᖓᑕᓲᒃᑯᕕᒻᒨᕈᔾᔭᐅᓗᓂ ᐅᐊᑦᑎᓗᓂᐅᒃ ᖃᖓᑦᑕᕋᓱᐊᕐᓂᖓᓂ ᖃᖓᑕᓲᖅ
  • ᐃᓐᓇᐅᔪᖅ ᖃᐅᔨᒃᑲᐃᔭᕆᐊᓕᒃ ᖃᖓᑕᓲᓕᕆᔨᓂᒃ ᑭᓇᒧᑦ ᐸᕐᕆᐊᖅᑕᐅᓯᒪᓂᐊᕐᒪᖔᑦ ᑎᑭᕝᕕᐊᓄᑦ.
  • ᐱᓕᕆᔭᐅᔾᔪᑎᖓᓂᑦ ᐊᑭᓖᒋᐊᓕᒃ $100.00-ᒥᒃ ᐃᓚᒍᑕᖃᕐᓗᓂ ᑖᓇ ᐊᑭᓕᕆᐊᖃᕋᔭᖅᑐᖅ ᖃᖓᑦᑕᕐᕕᐊᓂ
  • ᐅᐊᑦᑎᔭᐅᙱᑦᑐᖅ ᓱᕈᓯᖅ ᖃᖓᑕᓂᐊᖅᑲᑦ ᖃᖓᑦᑕᐅᓯᕆᐊᖃᕋᔭᖅᑐᖅ ᐃᓐᓇᕐᑎᑐᑦ ᐊᑭᖃᕐᓗᓂ
  • ᒪᓕᑦᑕᐅᖏᑦᑐᑦ ᐴᔅᑎᐊᒃᑯᑦ ᑭᓯᐊᓂ ᖃᖓᑕᔪᓐᓇᕐᑐᑦ
  • ᒪᕐᕉᑉᐸᑎᒃ ᒪᓕᑦᑕᐅᖏᑦᑑᒃ ᖃᑕᙳᑎᒌᒃ, ᐊᑕᐅᓯᐊᕐᓗᑎ ᐊᑭᓖᑎᑕᐅᒐᔭᕐᑐᑎᑦ ᐃᑲᔪᖅᑕᐅᔾᔪᑎᒥᒃ
  • ᓱᕈᓰᑦ 12 ᐅᖓᑖᓂ ᐅᑭᐅᓖᑦ ᐊᑭᓖᑎᑕᐅᒃᑲᓐᓂᕋᔭᙱᑦᑐᑦ
  • ᑐᑭᓯᒋᐊᒃᑲᓐᓂᕈᒪᒍᕕᑦ ᐴᔅᑎᐊᒃᑯᓐᓄᑦ ᖃᐅᔨᒋᐊᕈᓐᓇᕐᑐᑎᑦ

ᓄᑕᕋᐃᑦ

ᓄᑕᕋᖅ ᐊᕐᕌᒍᖃᕐᖃᑦ ᒪᕐᕉᒃ ᐊᑖᓂ ᐊᑭᖃᙱᓪᓗᓂ ᖃᖓᑕᔪᓐᓇᕐᑐᖅ ᐃᔅᓯᕙᐅᑕᖃᕆᐊᖃᙱᒃᑯᓂ.

  • ᓄᑕᕋᖅ ᖃᖓᑕᔾᔪᑎᑖᕐᑎᑕᐅᓂᐊᖅᑐᖅ ᓇᓕᖅᑲᒥᒃ ᑖᓐᓇ ᐊᑭᖃᙱᑐᖅ ᖃᐅᔨᒪᔾᔪᑎᑐᐃᓐᓇᐅᓂᐊᕐᒪᑦ.
  • ᑲᐃᓪᓗᐊᕈᑏᑦ ᓇᔅᓴᖅᑕᐅᔪᓐᓇᕐᑐᑦ ᐃᑭᔭᖅᑐᕐᕕᒻᒧᑦ ᐊᑲᕐᕆᔮᖁᓪᓗᓯ.
  • ᓄᓇᓯᐅᒻᒥ ᐃᔅᓯᕙᐅᑕᐃᑦ ᓄᑕᕋᕐᓄᑦ ᓇᔅᓴᕋᔅᓴᐅᒻᒥᔪᑦ ᐊᑭᖃᙱᓪᓗᒋᑦ
  • CMVSS Sealᖃᖓᑦᑕᐅᑎᒥᒃ ᓂᐅᕕᕐᕕᔅᓴᐅᒥᔪᖅ ᓄᑕᕋᕐᒧᑦ ᐃᔅᓯᕙᐅᑕᒡᒋᕐᓂᐊᕈᕕᑦ ᓄᓇᓯᐅᒻᒧᑦ ᐋᖅᑭᓲᒥᒃ. ᑖᓇ ᐃᔅᓯᕙᐅᑕᖅ ᐊᖏᖅᑕᐅᓯᒪᔭᕆᐊᓕᒃ ᐋᓐᓂᖅᑕᐃᓕᔪᕆᔨᒃᑯᓐᓄᑦ ᑲᓇᑕᒥ ᒪᓕᒐᖓ ᒪᓕᓪᓗᒋᑦ (CMVSS) 213 ᐅᕝᕙᓗ 213.1.

ᐊᓯᖏᑦ ᑐᓴᐅᒪᔾᔪᑏᑦ

ᐴᔅᑎᐊᒃᑯᑦ ᖃᖓᑦᑕᐅᑎᓂᒃ ᑐᑭᓯᒋᐊᕐᕕᔅᓴᐅᒋᕗᑦ ᐃᕐᖐᓈᖅᑕᐅᑎᒃᑯᑦ ᐊᑐᕐᓗᒍ Virtually There® ᑐᓂᓯᒍᕕᑦ ᐃᕐᖐᓈᖅᑕᐅᑎᓐᓂᒃ ᐃᓂᔅᓴᓕᐅᖅᑎᓪᓗᑎᑦ ᑐᔪᖅᑕᐅᓂᐊᖅᐳᑎᑦ ᐃᕝᕕᑦ ᖃᖓᑦᑕᐅᑎᖓᓂᑦ. ᐃᓂᔅᓴᓕᐅᕐᕕᔅᓴᐅᔪᖅ ᖃᕋᓴᐅᔭᒃᑯᑦ, ᐅᖄᓚᐅᑎᒃᑯᑦ, ᐅᕝᕙᓘᓐᓃᑦ ᖃᖓᑕᓲᒃᑯᕕᒻᒥ ᖃᖓᑦᑕᐅᓯᓕᕆᔨᓂᓪᓘᓐᓃᑦ. ᐴᔅᑎᐊᒃᑯᑦ ᑐᔪᐃᔪᓐᓇᕐᒥᔪᑦ ᓂᐱᓕᐅᕐᓯᒪᔪᒥᒃ ᐃᕝᕕᑦ ᐅᖄᓚᐅᑎᖓᓄᑦ.

ᐃᑲᔪᖅᑎᒧᑦ ᐊᑭᓖᓂᖅ

ᐃᓄᒃ ᒪᓕᑦᑎᐅᔪᖅ ᐸᐃᕆᑦᑎᓗᓂᓗ ᐃᑲᔪᖅᑕᐅᔭᕆᐊᓕᒻᒥᒃ ᐊᑭᓖᒃᑲᓐᓂᖅᑎᑕᐅᔾᔮᖏᑦᑐᖅ ᒪᓕᑐᐊᕈᓂ ᖃᖓᑦᑕᐅᓯᕐᓯᒪᔪᒥᒃ ᑭᓯᐊᓂ ᐃᓚᒋᐊᕈᑎᓂᒃ ᐅᕝᕙᓘᓐᓃᑦ ᐊᑭᓕᒃᑲᓐᓂᕆᐊᓕᓐᓂᒃ ᐊᑭᓖᑎᑕᐅᑐᐃᓐᓇᕆᐊᓕᒃ ᐱᑕᖃᕐᐸᑦ. ᒪᓕᑦᑎᐅᔪᖅ ᐋᓐᓂᐊᕕᒻᒥᒃ ᐱᓯᒪᔪᒥᒃ ᑎᑎᖅᑲᒥᒃ ᓇᔅᓴᕆᐊᖃᕋᔭᕐᑐᖅ ᒪᓕᒃᑯᓂ ᐋᓐᓂᐊᔪᒥᒃ.

ᐊᑭᕋᐅᑏᑦ

ᐊᑭᕋᐅᑏᑦ ᐊᑐᖅᑕᐅᔪᓐᓇᕐᒥᔪᑦ ᖃᖓᑕᓲᒥ ᑭᓯᐊᓂ ᐃᒃᑲᕐᕋᑦ 24 ᑐᖔᓂ ᑐᔅᓯᕌᕆᒋᐊᖃᕋᔭᖅᑐᖅ ᖃᖓᑕᓚᐅᙱᓂᕐᓂ.

ᐃᑦᑎᕐᕕᓂᒃ ᐃᑲᔪᕐᓂᖅ

ᐴᔅᑎᐊᒃᑯᑦ ᐃᑲᔪᕐᐸᒃᐳᑦ ᐃᑦᑎᕐᕕᓕᕆᓪᓗᑎᒃ ᖃᖓᑕᓲᒃᑯᕕᒻᒥ ᐅᓯᔭᐅᓪᓗᑎᒃ ᖃᖓᑕᓲᒧᑦ.

ᐃᑭᔭᖅᑐᕐᓂᖅ ᓂᐅᓂᕐᓗ ᖃᖓᑕᓲᒥ

ᐴᔅᑎᐊᒃᑯᑦ ᐃᑲᔪᖅᐸᑉᐳᑦ ᖃᖓᑕᓂᐊᕐᑐᓂᒃ ᖃᖓᑕᓲᒃᑯᕕᒻᒥ ᐃᑭᔭᕐᑐᖅᑐᓂᒃ ᐊᒻᒪᓗ ᐃᑦᑎᕐᕕᒻᒥ ᐊᐃᔅᓯᕐᕕᒻᒥ ᐊᒻᒪᓗ ᑐᕋᐃᓐᓇᕐᓂᐊᕐᑐᓂᒃ ᐊᓯᐊᓄ ᓄᓇᓕᓐᓄᑦ.

ᐃᖏᕐᕋᔾᔪᑏᑦ ᐃᑲᔫᑏᑦ

ᐴᔅᑎᐊᒃᑯᑦ ᐊᑭᖃᙱᑦᑐᒥᒃ ᐅᓯᔪᓐᓇᕐᑐᑦ ᐅᑯᓂᖓ:

  • ᑲᐃᓪᓗᐊᕈᑦ
  • ᐊᔭᐅᑉᐱᐊᑦ
  • ᑐᓴᐅᒪᖃᑦᑕᐅᑎᔾᔪᑏᑦ
  • ᐋᓐᓂᐊᔪᓕᕆᔾᔪᑏᑦ

ᓇᓕᐊᑐᐃᓐᓇᖅ ᐃᖏᕐᕋᔪᓐᓇᖅᑐᖅ ᕚᑕᓖᒧᖅᑐᖅ ᓲᕐᓗ ᑲᐃᓪᓗᐊᕈᑦ ᐃᑭᔪᓐᓇᖏᑦᑎᑕᐅᑐᐃᓐᓇᕆᐊᖃᕐᐳᖅ ᐊᖏᓂᖓ ᒪᓕᓪᓗᒍ ᑕᐃᒪᐃᒻᒪᑦ ᐅᖃᐅᓯᕆᒐᔭᖅᐸᑦ ᐃᓂᔅᓴᓕᐅᓕᕈᕕᑦ.

ᖃᖓᑕᓲᒥ ᐊᑦᑕᓇᖅᑕᐃᓕᒪᔾᔪᑏᑦ

ᐴᔅᑎᐊᒥ ᓯᕗᓪᓕᐅᑎᒐᑦᑎᒍ ᐊᑕᓇᖅᑕᐃᓕᒪᓂᖅ. ᖃᖓᑦᑕᓚᐅᙱᓂᔅᓯᓐᓂ ᐃᖅᑲᓇᐃᔭᖅᑏᑦ ᖃᖓᑕᓲᒥ ᐅᖃᐅᓯᖃᕐᓂᐊᖅᐳᑦ ᐊᑕᓇᖅᑕᐃᓕᒪᓂᕐᒥ. ᐊᓯᖏᓐᓂ ᐊᑦᑕᓇᖅᑕᐃᓕᒪᓂᐅᑉ ᐅᖃᐅᔭᐅᒐᔭᕐᐳᓯ ᐊᖅᑯᑖᓂ.

ᐊᓂᖅᓵᖅᑑᓯᔭᕐᓂᖅ

ᑐᔅᓯᕋᕐᓯᒪᒍᕕᑦ, ᐴᔅᑎᐊᒃᑯᑦ ᐊᓂᖅᓵᖅᑐᑎᒥᒃ ᐊᑐᕐᕕᔅᓴᐅᔪᑦ ᖃᖓᑕᓲᓕᒫᖏᓐᓂ. ᐊᓂᖅᓵᖅᑑᑦ ᐊᑭᑲᖅᑐᖅ $100.00-ᒥᒃ ᐃᓚᒍᑕᖏᓪᓗ. ᑐᔅᓯᕋᖅᓯᒪᔭᕆᐊᓕᒃ ᐃᒃᑲᕋᐃᑦ 24 ᖃᖓᑦᑕᓚᐅᙱᓂᕐᓂ.

ᐴᔅᑎᐊᒃᑯᑦ ᐊᑐᕐᕕᔅᓴᐅᙱᓚᑦ ᐊᓂᖅᓵᖅᑑᑎᒥᒃ ᓇᒻᒥᓂᕆᔭᓐᓂᒃ. ᐊᓂᖅᓵᖅᑑᑎᒋᔭᐃᑦ ᐊᐅᓪᓚᖅᑎᑕᐅᔭᕆᐊᖃᕋᔭᖅᑐᖅ ᑐᔪᐃᕕᒃᑯᑦ.

ᐊᓂᖅᓵᖅᑑᑎᕗᑦ ᓱᐴᕐᓂᖃᕐᑐᑦ 2 LPM ᐅᕝᕙᓗ 4LPM  ᓱᐴᕐᓂᖓ ᐃᖏᕐᕋᑉᐸᑦ 2LPM ᑖᓐᓇ ᐊᓂᖅᓵᖅᑑᑦ ᐊᑐᕋᔅᓴᐅᒐᔭᕐᑐᖅ ᐃᑲᕐᕋᑦ 6 ᐊᒻᒪᓗ ᓇᑉᐸᖓᓂ. ᓱᐱᓂᖃᖅᑲᑦ 4LPM ᐊᓂᖅᓵᖅᑑᑦ ᐊᑐᕋᔅᓴᐅᒐᔭᖅᑐᖅ ᐃᑲᕐᕋᓂᒃ ᐱᖓᓱᓂᒃ ᐊᒻᒪ ᓇᑉᐸᖓᓂ.

ᓂᕈᐊᕐᓂᖅ ᐃᔅᓯᕙᐅᑕᒥᒃ

ᓂᕈᐊᖅᕕᔅᓴᐅᓲᖑᕗᖅ ᐃᔅᓯᕚᕐᕕᔅᓴᒥᒃ ᑖᓇ ᓂᕈᐊᕐᓂᖅ ᐊᑭᖃᙱᑦᑐᖅ. ᓂᕈᐊᕈᓐᓇᖅᑐᑎᑦ ᐃᓂᔅᓴᓕᐅᓕᕈᕕᑦ. ᐃᔅᓯᕚᖅᕖᑦ ᐊᑲᕐᕆᔮᕐᕕᔅᓴᐅᕗᖅ ᐃᓚᖏᑦ ᓇᔪᒻᒥᕕᖏᑦ ᐲᓲᖑᒻᒪᑕ. ᑖᒃᑯᐊ ᐃᔅᓯᕙᐅᑕᐃᑦ ᐊᓐᓇᕐᕕᖓᑕ ᖃᓂᒋᔮᓃᑦᑐᑦ.

ᐱᔨᑦᑎᕐᑏᑦ ᐆᒪᔪᑦ

ᐃᓕᓐᓂᐊᖅᓯᒪᒻᒪᕆᑦᑐᑦ ᐆᒪᔪᐃᑦ ᐃᑲᔪᖅᑎᐅᓪᓗᑎᒃ ᐃᑲᔪᖅᑕᐅᔭᕆᐊᓕᓐᓂᒃ ᐅᓯᔭᐅᓲᖑᕗᑦ ᖃᖓᑕᓲᒥ ᐊᑭᖃᙱᑦᑑᓗᒋᑦ.

ᐃᑲᔪᖅᑎᐅᔪᑦ ᐆᒪᔪᑦ ᓇᑎᕐᒦᒍᓐᓇᕐᑐᑦ ᐃᓯᒐᕕᑦ ᓴᓂᐊᓂ ᐱᑐᔅᓯᒪᑦᑎᐊᑐᐊᖅᐸᑕ. ᐴᔅᑎᐊᒃᑯᑦ ᑕᑯᔭᕆᐊᖃᕋᔭᖅᑐᑦ ᑎᑎᖅᑲᒥᒃ ᓇᓗᓇᐃᕐᓯᓯᒪᔪᒥᒃ ᑖᓐᓇ ᐆᒪᔪᖅ ᐃᑲᔪᖅᑎᐅᔭᕆᐊᖓᓂᒃ.

ᐃᑭᔭᖅᑐᕐᓂᐅᓴᓂᖅ

ᓱᕈᓯᓕᔭᖅᑐᑦ ᐅᕝᕙᓘᓐᓃᑦ ᐃᑲᔪᖅᑕᐅᔭᕆᐊᓖᑦ ᐃᑭᔭᕐᑐᕈᓐᓇᖅᑎᑕᐅᖅᑳᓲᖑᕗᑦ ᐊᓯᖏᑦ ᐃᑭᔭᖅᑐᓚᐅᖅᑎᓐᓇᒋᑦ.

ᐊᔾᔨᐅᖏᑦᑐᑦ ᓂᕆᔭᓂ

ᐴᔅᑎᐊᒃᑯᑦ ᓂᕆᑎᑦᑎᓲᖑᕗᑦ ᖃᖓᑕᓲᒥ, ᐱᑕᖃᕆᕗᖅ ᓂᕆᔭᔅᓴᓂᒃ ᐊᔨᒋᙱᑕᖏᓐᓂᒃ ᓂᕆᔭᐅᔪᑦ ᐱᑐᐃᓐᓇᖏᑉᐸᑕ ᓂᕆᔭᕆᐊᓕᑦᑎᑦ. ᑕᕆᐅᖃᓗᐊᙱᑦᑐᓂᒃ ᐅᕝᕙᓘᓐᓃᑦ ᓱᑲᖃᓗᐊᙱᑦᑐᓂᒃ ᓂᕿᖃᓲᖑᒋᕗᑦ ᐱᕕᔅᓴᐅᔪᖅ ᐅᖃᖅᓯᒪᔮᑐᐊᕈᕕᑦ ᓯᕗᓂᖓᒍᑦ. ᐱᑕᖃᙱᑐᐃᓐᓇᕆᐊᖃᕆᓪᓗᓂ ᑕᐃᒪᐃᒻᒪᑦ ᐅᖃᖅᓯᒪᔮᖁᔭᐅᕗᓯ.