ᖃᖓᑕᓗᓂ ᐴᔅᑎᐊᑯᓐᓂᑦ
ᑭᓱᑐᐃᓐᓇᐃᑦ ᐱᓐᓇᓇᕐᑐᑦ
ᑭᓪᓕᖃᕐᑐᒥᒃ ᓇᓪᓕᐅᒃᑯᒫᕈᑎᒥᒃ ᑕᑕᑎᕆᔪᓐᓇᕐᑐᑎᑦ ᐃᕝᕕᑦ ᐱᖁᑎᖏᓐᓄᑦ ᖃᖓᑦᑕᓚᐅᙱᓂᕐᓂ.
ᐱᙳᐊᑐᖅᓯᐅᑏᑦ ᓱᓇᒃᑯᑖᑦ
ᑐᒃᑲᕆᐊᓖᑦ
ᑐᒃᑲᕆᐊᓖᑦ ᐃᑭᔭᐅᔪᓐᓇᕐᑐᑦ ᖃᐅᔨᒃᑲᐅᑎᕕᒻᒥ ᐊᖏᓂᖓ ᒪᓕᓪᓗᒍ. ᖃᖓᑕᓂᐊᕐᑐᖅ ᐅᔾᔨᕐᓱᕆᐊᖃᕐᐳᖅ ᐴᑦᑎᐊᖅᓯᒪᒐᓗᐊᕐᒪᖔᑦ ᐊᒻᒪᓗ ᓈᒪᒋᔭᐅᓂᕐᓴᐅᕗᖅ ᑐᒃᑲᕆᐊᓕᒃ ᐴᖅᓯᒪᑉᐸᑦ ᐴᖓᓂ. ᐳᓪᓚᖃᙱᓪᓗᓂᓗ ᐊᔅᓴᓗᐊᔪᖏᒃ ᐊᖂᑎᖓᓗ ᑐᒃᑲᐅᑎᖏᓪᓗ ᐋᖅᑭᔅᓯᒪᙱᑉᐸᑦ.
ᑐᒃᑲᕆᐊᓕᒃ ᐃᑦᑎᕐᕕᑎᑑᖅᑕᐅᔾᔮᖏᓚ ᐊᒻᒪᓗ ᐊᑭᓖᒋᐊᖃᕋᔭᖅᑐᑎᑦ $75.00-ᒥᒃ ᐅᓯᔭᐅᔪᑎᖓᓂᒃ.
ᓂᔾᔭᐅᓯᔭᐅᑏᑦ
ᓱᕋᔅᓴᕋᐃᑦᑐᑦ ᐊᑦᑕᓇᕐᑐᑦ ᐅᕝᕙᓘᓐᓃᑦ ᐊᓐᓂᓇᖅᑐᑦ
ᐊᓯᔾᔨᕈᓐᓇᕐᓂᖓ ᖃᖓᑕᓲᑉ ᐃᓗᐊᓂ ᐊᖅᐸᐸᓪᓕᐊᓂᖓ ᒪᓕᑦᑐᒍ. ᑕᐃᒪᐃᒻᒪᑦ ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ ᓱᕋᑦᑐᖃᕐᑐᒥᓂᐅᑉᐸᑦ ᐱᖁᑎᓂᒃ.
ᖃᖓᑕᓂᐊᕈᕕᑦ ᐱᖁᑎᑎᑦ ᐴᖅᑲᑦᑎᐊᖃᑦᑕᒃᑭᑦ ᐊᑦᑕᓇᐃᖅᓯᒪᓗᒋᑦ.
ᐴᔅᑎᐊᒃᑯᑦ ᐸᓯᔭᔅᓴᐅᙱᓚᑦ ᓇᔅᓴᕐᓂᕈᕕᑦ ᓱᕋᔅᓴᕋᐃᑦᑐᓂᒃ ᐊᓐᓂᕐᓇᖅᑐᓂᒃ ᓲᕐᓗ ᑮᓇᐅᔭᑦ, ᓇᒡᒍᐊᕐᒦᑦ, ᐊᔾᔨᓕᐅᕈᑏᑦ, ᐸᐃᑉᐹᑦ ᐊᓐᓂᕐᓇᖅᑐᑦ, ᓴᓇᖑᐊᒐᐃᑦ ᐅᕝᕙᓘᓐᓃᑦ ᐊᔾᔨᙳᐊᑦ.
ᓇᔾᔪᐃᑦ ᐱᑖᒥᓃᓪᓘᓐᓃᑦ
ᐴᔅᑎᐊᒃᑯᑦ ᐅᓯᔪᓐᓇᕆᕗᑦ ᓇᔾᔪᓂᒃ ᑭᓯᐊᓂ ᐊᑭᓖᒃᑲᓐᓂᕆᐊᖃᕋᔭᖅᑐᑎᑦ $100.00-ᒥᒃ ᐃᓗᐃᑦᑑᓐᓄ ᓇᔾᔫᓐᓄᑦ ᐅᕝᕙᓘᓐᓃᑦ $25.00 ᐃᓪᓗᐊᑕᒫᕐᒧᑦ ᓇᔾᔫᓐᓄᑦ.
ᖃᖓᑕᒍᕕᑦ ᑰᔾᔪᐊᕐᒥ ᒫᓐᑐᕆᐊᒧᑦ ᓇᓗᓇᐃᕐᓯᒪᔪᒃᑯᑦ “TIHUNT” ᖃᖓᑦᑕᐅᑎᒃᑯᑦ, ᓇᔾᔫᒃ ᐊᑭᓕᕆᐊᖃᕋᔭᕐᑖᒃᑭᑦ $100.00-ᒥᒃ ᐊᒻᒪ ᐃᓪᓗᐊᑕᒫᖅ ᐊᑭᖃᕋᔭᙱᑦᑐᖅ.
ᓇᔾᔫᒃ ᐴᖅᑲᖅᓯᒪᑦᑎᐊᕆᐊᓖᑦ ᓇᑲᑦᑕᐱᐊᕐᖓᑎᒃ.