ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

FirstAir-ChristmasPromo-SliderWeb-SMALL
Slider-2017HolidayFares
Slider-sidebar-230x210-Livery
ᖃᖓᑕᓗᓂ ᐴᔅᑎᐊᑯᓐᓂᑦ

ᖃᖓᑦᑕᓚᐅᙱᓂᔅᓯᓐᓂ

ᖃᐅᔨᒃᑲᐅᑎᒋᑦ

ᖃᖓᑕᓂᐊᕐᑐᑦ ᖃᐅᔨᒃᑲᐅᑎᓯᒪᔭᕆᐊᖅᑐᑦ ᖃᖓᑕᓲᒃᑯᕕᒻᒥ ᖃᖓᑕᓲᖅ ᖃᖓᑦᑕᓚᐅᕐᑎᓐᓇᒍ ᐃᒃᑲᕐᕋ ᐊᒻᒪᓗ ᐊᕝᕙᖓᑕ ᑐᖔᓂ.

ᖃᖓᑕᓂᐊᕐᑐᓕᒫᑦ ᐊᐱᕆᔭᐅᓂᐊᕐᑐᑦ ᐱᖃᕐᒪᖔᑕ ᒐᕙᒪᒃᑯᓐᓂᑦ ᐱᓯᒪᔪᒥᒃ ᓇᓗᓐᓇᐃᒃᑯᑕᕐᒥᒃ. ᐃᑭᒪᓂᐊᕐᑐᑦ ᑕᑯᑎᑦᑎᔭᕆᐊᖃᕐᐳᑦ ᐆᒥᖓ ᓇᓕᐊᓐᓂᒃ:

  • ᐊᑕᐅᓯᕐᒥᒃ ᐊᔾᔨᙳᐊᓕᒻᒥᒃ ᒐᕙᒪᒃᑯᓐᓂᑦ ᐱᓯᒪᔭᓐᓂᒃ ᓇᓗᓇᐃᕐᓯᒪᔪᒥᒃ ᐃᕝᕕᑦ ᐊᑎᖓᓂᑦ, ᐃᓅᕕᒥᓂᕐᓂᒃ, ᐅᕝᕙᓘᓐᓃᑦ
  • ᒪᕐᕉᓐᓂᒃ ᓇᓗᓇᐃᒃᑯᑏᓐᓂᒃ ᒐᕙᒧᒃᑯᓐᓂᑦ ᐱᓯᒪᔭᓐᓂᒃ ᐊᔾᔨᙳᐊᖃᙱᑑᓐᓂᒃ ᓇᓗᓇᐃᖅᓯᓯᒪᔪᒥᒃ ᐃᕝᕕᑦ ᐊᑎᖓᓂᒃ, ᐃᓅᕕᒥᓂᕐᓂᒃ, ᐊᒻᒪ ᐊᖑᑎᐅᒻᒪᖔᖅᐱᑦ ᐊᕐᓇᐅᒻᒪᖔᖅᐱᓪᓘᓐᓃᑦ.

ᖃᕋᓴᐅᔭᒃᑯᑦ ᖃᐅᔨᒃᑲᐃᔪᓐᓇᕐᒥᔪᑎᑦ ᐊᑐᕐᓗᒍ ᐅᓇ Web Check-In Service. ᐃᓂᒋᔪᒪᔭᕐᓂᒃ ᓂᕈᐊᕈᓐᓇᖅᑐᑎᑦ ᖃᕋᓴᐅᔭᒃᑯᑦ ᖃᐅᔨᒃᑲᐅᑎᒍᕕᑦ ᑖᓇ ᐊᑭᖃᙱᑦᑐᖅ.

ᐅᑯᐊ ᖃᐅᔨᒡᒋᐊᑦᑎᐊᒃᑭᑦ ᖃᐅᔨᒃᑲᐅᑎᓚᐅᕐᖏᓐᓂᕐᓂ ᐃᑲᔫᑎᖃᕐᓂᐊᕐᑐᑦ ᐃᓕᓴᕐᓯᔪᓐᓇᕐᓂᕐᒥᒃ ᓇᔅᓴᕆᐊᖃᙱᑕᓐᓂᒃ.

ᐸᕐᓇᖕᓂᖅ ᐅᑭᐅᖅᑕᖅᑐᒧᑦ

ᐱᓕᕆᕕᒻᒪᕆᐅᔪᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᑲᕐᕆᔮᕈᑎᖃᖅᑐᑎᓪᓗ ᓄᓇᓕᕐᔪᐊᖅᑎᑐᑦ, ᑭᓯᐊᓂ ᓄᓇᓕᕋᓛᖑᓂᐅᖅᓴᐅᔪᑦ ᐊᑲᕐᕆᔮᕈᑎᖏᑦ ᖃᑦᑏᓐᓇᐅᕗᑦ. ᐸᕐᓇᓯᒪᒋᐊᖃᖅᑯᑎᑦ ᐃᕝᕕᑦ ᐅᐸᒐᓱᑦᑕᖓᓅᕈᕕᑦ ᓈᒻᒪᖏᑦᑐᖃᕐᓂᖅᑲᑦ ᓱᓇᑐᐃᓐᓇᕐᓂᒃ ᐊᒻᒪᓗ ᐊᑭᑦᑑᔾᔭᐅᒍᓇᕐᐳᑎᑦ ᓂᐅᕕᕋᓱᒃᑯᕕᑦ. ᐅᕝᕙᐅᑯᐊ ᖃᐅᔨᒪᔾᔪᑎᔅᓴᑦ:

  • ᖃᖓᑕᓂᐊᕈᕕᑦ ᓄᓇᑦᓯᐊᕐᒧᑦ, ᓄᓇᕘᒧᑦ, ᐅᕝᕙᓘᓐᓃᑦ ᓄᓇᕕᒻᒧᑦ, ᐅᔾᔨᕐᓱᕐᓂᐊᖅᐳᑎᑦ ᖃᖓᑦᑕᐅᓯᕆᐊᖓ ᓯᕗᓂᖓᒍᑦ.
  • ᑐᔪᕐᒥᕕᑭᔅᓴᕐᓇᓲᖑᕗᖅ ᓄᓇᓕᕋᓛᖑᓂᖅᓴᓂᒃ, ᐃᓛᓐᓂᒃᑯᑦ ᐃᓪᓗᕈᓯᖃᖃᑎᖃᑐᐃᓐᓇᐃᕋᖃᖅᐳᑎᑦ ᑐᔪᕐᒥᕕᒻᒥ ᐊᕐᓇᐅᒍᕕᑦ ᐊᕐᓇᐅᖃᑎᓐᓂᒃ ᐅᕝᕙᓘᓐᓃᑦ ᐊᖑᑕᐅᒍᕕᑦ ᐊᖑᑕᐅᖃᑎᓐᓂᒃ.
  • ᐊᒥᓲᖏᑦᑐᑦ ᓄᓇᓖᑦ ᐅᑭᐅᖅᑕᖅᑐᒥ ᑭᓇᐅᔭᒃᑯᕕᖃᖅᐳᑦ ᑕᐃᒪᐃᒻᒪᑦ ᑮᓇᐅᔭᓂᒃ ᐅᕝᕙᓘᓐᓃᑦ ᓯᒃᑭᓂᒃ ᓇᔅᓴᖁᔭᐅᕗᑎᑦ ᐊᑲᕐᕆᔮᕈᒪᒍᕕᑦ.
  • ᓇᔅᓴᖃᑦᑕᕆᑦ ᐊᑐᕆᐊᖃᕋᔭᖅᑕᓐᓂᒃ ᐆᑦᑑᑎᒋᓗᒋᑦ ᓂᐊᖁᕐᒧᑦ ᐸᓂᖅᓴᐅᑦ, ᐊᓇᕐᕕᓕᐊᖅᑐᖅᓯᐅᑏᑦ, ᐅᕝᕙᓘᓐᓃᑦ ᐄᔭᒐᕐᓂᒃ.
  • ᓇᔅᓴᖃᑦᑕᕐᓗᑎᑦ ᐃᒡᒐᓂᒃ. ᑭᓇᑐᐃᓐᓇᖅ ᐃᒡᒐᒋᕐᓂᖏᒃᑯᓂ ᐊᐅᓪᓚᕐᓯᒪᓗᓂ ᓄᓇᒥ ᐅᐱᕐᖓᔅᓵᒃᑯᑦ ᐃᓪᓗᓕᕈᓐᓇᕐᒪᑦ.
  • ᐅᕕᓂᒧᑦ ᐅᕝᕙᓘᓐᓃᑦ ᖃᓂᕐᒧᑦ ᑭᓂᐸᔾᔪᑏᑦ ᓇᔅᓴᖃᑦᑕᖁᔭᐅᕗᑦ ᐅᑭᐅᖅᑕᖅᑐᖅ ᐸᓂᕐᓇᕈᓐᓇᕐᓂᖓᓂ
  • ᐊᓐᓄᕐᕌᒡᒋᖃᑦᑕᖁᔭᐅᕗᑦ ᓈᒻᒪᑦᑐᓂᒃ ᐊᒻᒪᓗ ᐅᖅᑰᔪᓂᒃ ᐅᐱᕐᖔᒃᑰᒐᓗᐊᖅ.
  • ᕘᑦᑏᓐᓂᒃ ᓇᔅᓴᖃᑦᑕᕆᔅᓯ ᐅᑭᐅᖅᑕᖅᑐᒥ ᐊᑐᕋᔅᓴᓂᒃ ᐅᕝᕙᓘᓐᓃᑦ ᓄᓇᓕᐸᐅᔭᒥᐅᒐᓗᐊᖅ.
  • ᓄᓇᒧᑦ ᐊᐅᓪᓚᕐᓂᐊᕈᕕᑦ ᓄᓇᓕᐅᑉ ᓯᓚᑖᓄᑦ, ᑲᔪᖏᖅᓴᖅᑕᐅᕗᑎᑦ ᐊᐃᑉᐸᖃᖁᔭᐅᓪᓗᑎᑦ ᐊᐅᓪᓚᐅᔾᔨᒥᒃ. ᐃᓄᑑᓂᐊᕈᕕᑦ, ᐅᖃᖅᓯᒪᓂᐊᖅᐳᑎᑦ ᐸᓖᓯᒃᑯᓐᓄᑦ ᐅᕝᕙᓘᓐᓃᑦ ᐸᖅᓴᐃᔨᒃᑯᓐᓄᑦ ᖃᐅᔨᒃᑲᖅᑕᐅᒍᓐᓇᖅᑐᓂᒃ ᕼᐋᒻᒪᓚᒃᑯᑦ ᐊᓪᓚᕕᖓᓂ.

ᓯᓚᐅᑉ ᖃᓄᐃᒍᓐᓇᕐᓂᖓ

ᓇᒥᑐᐃᓐᓈᕈᕕᑦ ᓄᓇᕘᒥ ᐅᕝᕙᓘᓐᓃᑦ ᓄᓇᕕᒻᒥ, ᓯᑯᕙᓪᓕᐊᓕᓲᖑᕗᖅ ᓯᑏᐱᕆᒥ ᓅᕖᕙᒧᑦ ᐊᒻᒪᓗ ᓯᑰᓲᖑᓪᓗᓂ ᔪᓚᐃᒧᑦ ᐋᒡᒌᓯᒧᓪᓘᓐᓃᑦ. ᐃᒃᑮᓇᕐᓂᕐᐹᖑᓲᖑᕗᖅ ᔮᓄᐊᓕ, ᕖᕗᐊᕆ ᐊᒻᒪᓗ ᒫᓯ ᐃᒃᑮᓇᕐᓂᖃᕈᓐᓇᖅᑐᖅ ᐅᓪᓗᒃᑯᑦ -20 -30-ᒧᑦ ᐃᒃᑮᓇᕐᓂᖅᓴᐅᓗᓂᓪᓘᓐᓃᑦ. ᓂᓪᓚᐅᑉ ᓂᕈᒥᒍᓐᓇᕐᓂᖓ -20 ᐅᓪᓗᒃᑯᑦ ᐃᒃᑮᓇᕐᓂᖓ -5-ᖑᔮᕈᓐᓇᖅᐳᖅ ᖃᓪᓗᓈᓂ. ᐊᓄᕌᖅᑎᓪᓗᒍ ᖁᐊᕐᓇᕈᓐᓇᖅᐳᖅ, ᔭᐃᑲᔅᓯᒪᖁᔭᐅᕗᓯ ᐅᖅᑰᔪᒥᒃ, ᐅᐱᕐᖔᒃᑯᑦ ᐅᓇᕐᓂᖃᕈᓐᓇᖅᐳᖅ 10-ᒥᒃ 30-ᒧᑦ.

ᖁᑦᑎᑦᑐᒧᕈᕕᑦ ᐅᑭᐅᖅᑕᖅᑐᒥ ᓲᔪᕆᓂᐊᖅᑕᐃᑦ ᓄᓇᓖᑦ ᐃᓚᖏᑦ ᑖᖏᓐᓇᐅᔭᖅᑐᑦ ᐅᑭᐅᒃᑯᑦ ᐊᒻᒪᓗ ᖃᐅᒪᐃᓐᓇᐅᔭᖅᑐᑦ ᐊᐅᔭᒃᑯᑦ.

ᓯᓚᐅᑉ ᖃᓄᐃᓐᓂᖓᓂᒃ ᓄᓇᓕᓐᓂ ᐅᑭᐅᖅᑕᖅᑐᒥ ᓇᓂᔪᓐᓇᖅᑕᑎᑦ ᐅᕙᓂ The Weather Network.