ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

FirstAir-ChristmasPromo-SliderWeb-SMALL
Slider-2017HolidayFares
Slider-sidebar-230x210-Livery
ᖃᖓᑕᓗᓂ ᐴᔅᑎᐊᑯᓐᓂᑦ

ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᒧᑦ ᖃᐅᔨᒃᑲᐅᑦ

ᕘᔅᑦ ᐃᐅᒃᑯᑦ ᓇᓗᓇᐃᖅᓯᓪᓚᕆᔪᓐᓇᖏᑦᑑᒐᓗᐊᑦ ᖃᒃᖁᐊᒐᖅ, ᖃᒃᑯᐊᒐᐃᓪᓘᓐᓃᑦ ᓂᖀᓪᓘᓐᓃᑦ ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᑦ ᐱᑕᖃᖏᒋᐊᖏᑕ ᐅᕙᒍᑦ ᖃᖓᑕᓂᕆᕙᑦᑕᖏᓐᓂᑦ. ᐊᑦᑕᓇᐃᖏᖅᓯᓯᒪᓂᐊᖅᑐᒍᑦ ᓴᐳᒻᒥᓗᒋᑦ ᖃᖓᑕᓲᖅᑐᖁᑎᕗᑦ.

ᐃᒃᐱᒍᓱᑦᑎᐊᖅᑑᒐᑉᑕ ᑎᒥᐅᑉ ᓈᒻᒪᒋᖖᒋᑕᖏᓂᑦ ᐊᒃᑐᖅᑕᐅᓴᕋᐃᑦᑐᑦ ᐃᓱᒫᓗᒍᑎᖃᕐᕕᒋᕙᒃᑕᖏᓂᒃ,
ᐊᒻᒪᓗ ᑐᑭᓯᐅᒪᑉᓗᑕ ᐃᓚᖏᑦ ᐃᑭᒪᔪᐃᑦ ᖃᖓᑕᓲᒥ ᖃᓂᑕᖃᖅᑎᑕᐅᔪᒪᓚᖖᒋᒻᒪᑕ ᐳᓯᑳᑦᑐᑦ ᐅᕝᕙᓘᓐᓃᑦ ᒥᑭᔫᓪᓗᓂ ᕿᒻᒥᕐᒧᑦ ᖃᖓᑕᑎᓪᓗᑕ.
ᑕᒪᓐᓇᓗ ᐱᔾᔪᑎᒋᓪᓗᒍ, ᐊᐱᕆᓕᖅᐸᑦᑎᒋᑦ, ᑎᒥᒃᑯᑦ ᓈᒻᒪᒋᖖᒋᑕᖃᖅᐸᖕᓂᕈᑎᑦ, ᐃᑭᔾᔪᑎᒃᓴᕐᓂᒃ ᐱᓯᒪᓕᕆᐊᖅᑎᓪᓗᑎᑦ ᐅᕝᕙᓘᓐᓃᑦ
ᖃᖓᑕᒨᒧᑦ ᐃᑭᓂᐊᖅᑐᓄᑦ ᑲᒪᔨᐅᔪᒧᑦ ᖃᖓᑦᑕᕐᓂᐊᓵᖅᑎᓪᓗᑕ ᑐᓴᖅᑎᑦᑎᓯᒪᓕᖅᐸᖁᓪᓗᑎᑦ ᓴᓂᓕᖃᖅᑎᑕᐅᓂᐊᖖᒋᓐᓇᕕᑦ ᓂᕐᕈᑎᖁᑎᖃᖅᑐᒥᒃ.
ᐊᔪᖖᒋᑐᐊᕈᑉᑕ ᓅᓯᒪᓕᖅᑎᒋᐊᕐᓂᐊᖅᐸᑦᑎᒋ ᐊᓯᐊᓄᑦ ᐃᒃᓯᕚᕐᕕᖕᒧᑦ ᐅᕝᕙᓘᓐᓃᑦ ᑕᐃᒃᑯᐊ ᓂᕐᔪᑎᖃᖅᑎᐅᔪᖅ ᓂᕐᔪᑎᖁᑎᖓᓗ ᓅᓯᒪᓕᖅᑎᒋᐊᕐᓂᐊᖅᐸᕗᑦ.

 

ᖃᖓᑕᓲᒦᓕᖅᑐᓂ ᑐᓴᕋᔅᓴᐃᑦ

ᑕᕝᕙᓴᐃᓐᓇᖅ ᐃᑭᒪᔪᖅ ᓇᒻᒥᓂᖅ ᓇᓗᓇᐃᖅᓯᒍᓂ ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᖃᕐᓂᕋᖅᑐᓂ ᐃᓂᔅᓴᓕᐅᖅᑎᓪᓗᒍ ᐃᑭᔭᖅᑐᓕᖅᑎᓪᓗᒋᓪᓘᓐᓃᑦ, ᐃᖅᑲᓇᐃᔭᑎᐅᔪᑦ ᑐᓴᖅᑎᑦᑎᓂᐊᖅᑐᑦ ᐃᓱᒪᒋᔭᐅᒋᐊᖁᔨᓪᓗᑎᑦ ᐊᓯᖏᓐᓂᑦ ᐃᑭᒪᔪᓂᑦ ᓂᕆᖁᔨᖏᓪᓗᑎᑦ ᓂᕿᒥᑦ ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᓕᒻᒥᑦ. ᓇᓗᓇᐃᖅᓯᓪᓚᕆᔪᓐᓇᖏᑦᑐᒍᑦ ᒪᓕᑦᑕᐅᓂᖓᓂᑦ ᐱᖁᔭᐅᔪᖅ, ᖃᓄᓕᒫᖅ ᖃᐅᔨᒃᑲᕋᓱᓐᓂᐊᖅᑕᕗᑦ ᐊᓯᖏᑦ ᐃᑭᒪᔪᑦ ᖃᖓᑕᓲᖃᑎᒋᔭᑎᑦ.

ᓴᓇᓯᒪᑦᑕᐅᑎᒋᔪᑦ ᓂᖀᑦ

ᕘᑦᔅᑦ ᐃᐅᒃᑯᑦ ᖁᕕᐊᑦᑐᑦ ᓂᕆᔭᔅᓴᖃᖅᑎᑦᑎᒋᐊᔅᓴᖅ, ᐱᖃᓯᐅᑎᓪᓗᑎᑦ ᐆᓇᖅᑐᑦ ᐊᒥᓱᓂᑦ ᖃᐊᑕᓲᓂᑦ. ᐅᖃᐅᑎᖃᑦᑕᖅᑕᕋᓗᐊᕗᑦ ᓂᕿᖃᖅᑎᑦᑎᔨᕗᑦ ᖃᒃᖁᐊᒐᐊᐅᓇᒋᑦ, ᓇᓗᓇᐃᖅᓯᓪᓚᕆᔪᓐᓇᖏᑦᑐᒍᑦ ᖃᓄᐃᑦᑐᑐᐃᓐᓇᐃᑦ ᓂᖀᑦ ᖃᖓᑕᓲᒥᑦ ᖃᖅᑯᐊᒐᖃᖏᒃᑲᓗᐊᕐᒪᖔᑕ. ᐊᐅᓚᑦᑐᓐᓇᖏᓐᓇᑦᑎᒍᑦ ᐊᒥᓱᑦ ᓂᕿᖃᖅᑎᑦᑎᓲᑦ ᐊᒻᒪ ᓱᓇᒃᑯᑖᖃᖅᑎᑦᑎᔩᑦ ᐊᒻᒪ ᐊᓯᖏᑦ ᑖᑦᓱᒧᖓ ᐱᔾᔪᑕᐅᔪᒧᑦ. ᑭᓇᑐᐃᓐᓇᖅ ᐃᑭᒪᔪᖅ ᑎᒥᒥᓄᑦ ᓂᕿᓂᑦ ᓈᒻᒪᓴᖓᐅᑎᖃᕈᓂ ᐅᕝᕙᓘᓐᓃᑦ ᖃᓄᐃᓕᓴᕋᐃᑦᑐᑦ ᐱᑕᖃᕈᓐᓇᖅᑐᑦ ᖃᖓᑕᓲᑉ ᐃᑭᒪᕕᖃᖅᕕᖓᓂ ᐃᓅᓕᓴᐅᓂᑦ ᓇᒻᒥᓂᖅ ᐱᓯᒪᒋᐊᓕᑦ ᐃᒻᒥᓂ ᓴᐳᒻᒥᑎᓐᓂᐊᕐᓗᓂ.

ᖃᐅᔨᒪᓇᓱᑦᑎᐊᕐᓗᓂ – ᖃᓄᐃᓘᕆᐊᖃᕐᒪᖔᖅᐱᑦ:

  • ᐋᓐᓂᐊᓯᐅᖅᑏᑦ ᖃᐅᔨᒋᐊᕐᕕᒋᓗᒍ ᐊᐅᓪᓚᓂᐊᓂᕐᓄᑦ ᐃᑭᓚᐅᖅᑎᓐᓇᑎᑦ ᐅᕙᒍᑦ ᖃᖓᑕᕕᒋᓂᐊᖅᑕᖏᓐᓂᑦ.
  • ᐄᔭᒐᖅᑖᖅᑎᑕᐅᓯᒪᒍᕕᑦ epinephrine ᑲᐴᑎ (ᓲᕐᓗ EpiPen), ᐃᑭᔭᕆᐊᖃᖏᑦᑐᑎᑦ ᐃᕝᕕᑦ ᖃᖓᑕᕕᒋᐊᖅᑕᖓᓂᑦ ᑭᓯᐊᓂ ᐱᓯᒪᑦᑎᐊᑐᐊᕈᕕᐅᒃ.
  • ᐃᑭᒪᔪᑦ ᓇᒻᒥᓂᖅ ᓂᕿᒃᒋᖁᔭᐅᑦᑎᐊᖅᑐᑦ ᓇᒻᒥᓂᖅ ᓂᕆᓂᐊᕐᓗᒋᑦ ᐊᑦᑕᓇᐃᕈᑎᒋᔭᐅᓂᐊᕐᒪᑦ ᖃᖓᑕᓲᒥ ᓂᕆᔭᔅᓴᓂ ᑎᒥᒧᑦ ᓈᒻᒪᓴᖏᒍᑕᐅᔪᓐᓇᖅᑐᒥᑦ.
  • ᐅᔾᔨᕈᓱᑦᑎᐊᕐᓗᑎᑦ ᓴᓂᓪᓕᕆᔭᑎᑦ – ᖃᐅᔨᒋᐊᖅᑕᐃᓕᒃᑭᑦ ᓂᕿᒋᔭᐅᔪᑦ ᐊᓯᓐᓄᑦ ᐃᑭᒪᖃᑕᐅᔪᓄᑦ ᐃᓗᓕᖃᕈᓐᓇᖅᑐᑦ ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᓂᑦ. ᐃᓚᒋᐊᕐᓗᒍ, ᓇᓗᓇᐃᖅᓯᓪᓚᕆᔪᓐᓇᖏᑦᑐᒍᑦ ᐱᑕᖃᒐᓛᓐᓂᖏᑦ, ᐅᖅᓱᕈᔪᐃᑦ ᑖᒃᑯᓇᓂ ᑎᒥᒧᑦ ᓈᒻᒪᖏᔾᔪᑕᐅᔪᓐᓇᖅᑐᓂᑦ ᐱᑕᖃᖏᒋᐊᖏᑕ ᐃᔅᓯᕙᐅᑕᖏᓐᓂ, ᕿᓗᐊᖏᓐᓂ, ᑕᓕᖏᓐᓂᑦ, ᓂᕆᕕᖓᓂ ᐃᓯᕕᑦᑕᖅᑐᖅ ᐅᕝᕙᓘᓐᓃᑦ ᓇᒥᑐᐃᓐᓇᖅ ᖃᖓᑕᓲᒥᑦ, ᖃᖓᑕᓲᖅ ᓴᓗᒻᒪᓴᖅᑕᐅᔭᕇᖅᕋᓗᐊᖅᑎᓪᓗᒍ.

ᓇᒻᒥᓂᖅ ᐱᓕᕆᐊᕆᕙᐅᒃ ᐃᑭᒪᔪᖅ ᓇᒻᒥᓂᖅ ᓇᓗᓇᐃᖅᓯᓗᓂ ᖃᓄᐃᓕᓴᕋᐃᑦᑑᓪᓗᓂ ᑎᒥᒧᓐᕝᓪᓘᓐᓃᑦ ᓂᕿᓄᑦ ᓈᒻᒪᒋᒍᑎᖃᖏᑦᑐᓄ ᖃᖅᑯᐊᒐᕐᓄᑦ, ᖃᖅᑯᐊᒐᐃᑦᒃ ᐊᓯᖏᓪᓘᓐᓃᑦ ᓂᖀᑦ ᐃᓂᔅᓴᓕᐅᖅᑎᓪᓗᒋᑦ ᐊᒻᒪ ᖃᓄᓕᒫᖅ ᐃᒻᒥᓂᒃ ᓴᐳᒻᒥᓇᓱᐊᖅᓗᑎᑦ.