ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

Slider-sidebar-230x210-Livery
ᐅᓯᓕᖅᓱᖅᑕᐅᔭᑦ

ᐆᒪᔪᓂᒃ ᑐᔪᐃᓂᖅ

ᐆᒪᔪᑦ

ᐴᔅᑎᐊᒃᑯᑦ ᐃᕝᕕᑦ ᐆᒪᔪᖁᑎᖓᓂᒃ ᐊᑦᑕᓇᕐᑐᒦᑎᑦᑎᑕᐃᓕᓲᖑᕗᑦ ᐊᑲᐅᔪᒦᖁᓪᓗᒋᓪᓗ, ᐅᑯᐊ ᐊᑖᓂᑦᑐᑦ ᒪᓕᑦᑕᐅᔭᕆᐊᓖᑦ ᐊᑐᐊᒃᑭᑦ ᐆᒪᔪᖁᑏᑦ ᖃᖓᑕᑦᑎᐊᖁᓪᓗᒍ ᖃᓄᐃᙱᓪᓗᓂ.

ᒪᓕᒋᐊᓖᑦ

  • ᐃᑲᕐᕋᐃᑦ 24 ᐊᓂᒍᓚᐅᖅᑎᓐᓇᒋᑦ ᐴᔅᑎᐊᒃᑯᑦ ᐅᖃᐅᑎᓯᒪᔭᕆᐊᓕᑦᑎᑦ ᐊᐅᓪᓚᑎᑦᑎᓂᐊᕈᕕᑦ
  • ᐊᐅᓪᓚᑎᑦᑎᔪᑦ ᐊᑭᓖᖅᑳᕆᐊᓖᑦ ᐊᐅᓪᓚᑎᑦᑎᓂᐊᕈᑎᒃ ᐆᒪᔪᒥᒃ
  • ᓇᓚᐅᑦᑖᕐᓗᒍ ᐅᖁᒪᐃᓐᓂᖓ ᐊᖏᓂᖓᓗ ᐃᓂᒋᓂᐊᕐᑕᖓᑕ ᐆᒪᔪᕕᑦ ᑐᓂᔭᕆᐊᖃᕐᓂᐊᕐᒥᔭᐃᑦ ᐃᓂᔅᓴᓕᐅᓕᕈᕕᑦ.

ᑭᓪᓕᖃᕐᕕᖏᑦ

  • ᐴᔅᑎᐊᒃᑯᑦ ᐃᑭᑎᑦᑎᒐᔭᙱᑦᑐᑦ ᐆᒪᔪᒥᒃ ᑎᐱᒃᑭᐅᓗᐊᖅᑲᑦ, ᐊᑦᑕᓇᕐᑐᒦᑉᐸᓪᓘᓐᓃᑦ ᐃᖅᓯᓇᖅᑲᓪᓗ.
  • ᑳᑦ ᐅᕝᕙᓘᓐᓃᑦ ᕿᒻᒦᑦ ᐱᓇᓱᐊᕈᓰᑦ ᑎᓴᒪᐅᔪᖅᑐᑦ ᑐᖔᓂ ᐃᓅᓯᒪᑉᐸᑦ ᐃᑭᔭᐅᔪᓐᓇᔾᔮᖏᑦᑐᖅ.
  • ᐊᑭᓕᕐᓂᐊᑐᐃᓐᓇᕐᓗᒍ ᐊᐅᓪᓚᑎᑦᑎᕕᔅᓴᐅᖏᑦᑐᖅ ᐆᒪᔪᒥᒃ.
  • ᐊᖏᓂᖅᐹᖏᑦ ᕿᒻᒥᒃᑯᕖᑦ ᐊᖏᖅᑕᐅᒐᔭᙱᑦᑐᑦ ᖃᖓᑕᓲᖅ ᒥᑭᓗᐊᖅᑐᒥᓂᐅᑉᐸᑦ ᐊᒻᒪᓗ ᖃᓄᐃᑦᑑᓂᖓ ᒪᓕᓪᓗᒍ.
  • ᖃᖓᑕᓲᒃᑯᕕᒻᒨᕈᔾᔨᕕᔅᓴᐅᖏᑦᑐᖅ ᐆᒪᔪᒥᒃ ᐃᒃᑲᕋᐃᑦ ᑎᓴᒪᑦ ᖃᖓᑦᑕᕐᕕᒋᓂᐊᕐᑕᖓᑕ ᖃᖓᑕᓲᑉ ᖃᖓᑦᑕᕐᕕᒋᓂᐊᕐᑕᖓᓄᑦ.
  • ᐆᒪᔪᐃᑦ ᐊᐅᓪᓛᖅᑕᐅᔪᓐᓇᔾᔮᖏᑦᑐᑦ ᖃᖓᑕᓲᑉ ᐊᓯᐊᓄᑦ ᓇᒻᒥᓂᖅ ᐋᖅᑭᔅᓱᐃᔭᕆᐊᖃᕋᔭᖅᑐᑎᑦ ᐊᐅᓪᓛᖅᑕᐅᖁᒍᕕᐅᒃ.

ᕿᒥᒃᑯᕖᑦ

  • ᕿᒥᒃᑯᕖᑦ ᓱᕋᔅᓯᒪᔭᕆᐊᖃᙱᑐᑦ ᐊᒻᒪᓗ ᓯᖁᒥᓯᒪᔭᕆᐊᖃᙱᑦᑐᑦ ᐊᓂᖅᓵᑐᖅᕕᔅᓴᐅᑎᐊᕐᓗᑎᓪᓗ.
  • ᕿᒥᒃᑯᕖᑦ ᐊᖏᓂᖓ ᓈᒪᒋᐊᖃᕐᐳᖅ ᓇᖏᖅᕕᔅᓴᐅᓗᓂ ᐅᕝᕙᓘᓐᓃᑦ ᐊᖁᐱᒃᕕᔅᓴᐅᓗᓂ.
  • ᐅᐊᔭᐃᑦ ᕿᒥᒃᑯᕖᑦ ᐃᑭᔭᐅᔪᓐᓇᖏᑦᑐᑦ ᖃᖓᑕᓲᒧᑦ.
  • ᓇᓗᓇᐃᖅᓯᓯᒪᖁᔭᐅᕗᓯ ᐊᑎᖓᓂ ᐆᒪᔪᕕᑦ ᐊᒻᒪᓗ ᐃᒪᖃᐅᑎᖃᕐᓗᓂ ᑯᕕᔪᓐᓇᖏᑦᑐᒥᒃ. ᐃᓗᐊᓃᓐᓂᐊᖅᑐᒥᒃ ᕿᒻᒥᒃᑯᕕᐅᑉ.
  • ᐊᑕᐅᓯᕐᒥᒃ ᐃᓗᓕᖃᕆᐊᓕᒃ ᕿᒻᒥᒥᒃ ᕿᒻᒥᒃᑯᕖᑦ.

ᐊᓯᖏᑦ ᖃᐅᔨᒪᔾᔪᑎᔅᓴᐃᑦ

  • ᐊᖏᔫᙱᑦᑐᒥᒃ ᓂᕆᑎᓐᓂᐊᕐᐸᑦ ᐊᒻᒪᓗ ᐃᒥᖅᑎᓪᓗᒍ ᐃᑲᕐᕌᒃ ᒪᕐᕉᒃ ᖃᖓᑦᑕᓚᐅᙱᓐᓂᖓᓂ.
  • ᐃᖃᐃᓕᓴᖅᑎᒍᒃ ᕿᒪᓚᐅᙱᓂᓐᓂ.
  • ᐊᐅᓪᓚᑎᑦᑎᖁᔭᐅᙱᓚᑦ ᓄᓕᐅᔪᓂᒃ.
  • ᓴᕐᓕᐊᓖᑦ ᐊᐅᓪᓚᖅᑎᑕᐅᔾᔮᖏᓚᑦ.
  • ᕿᒻᒥᓛᑦ ᐱᓇᓱᐊᕈᓯᓖᑦ ᑎᓴᒪᐅᔪᖅᑐᓂᑦ ᑐᔫᑕᐅᖁᔭᐅᙱᓚᑦ ᐃᒥᕈᓱᓗᐊᓕᕈᓐᓇᕐᒪᑕ ᖃᖓᑕᑎᓪᓗᒋᑦ.

ᐅᓐᓄᐊᒥ ᐱᓯᒪᔭᐅᔭᕆᐊᖃᕐᓂᖃᑕ ᐆᒪᔪᐃᑦ, ᓯᓚᑲᒻᒪᕉᔾᔭᐅᓂᖅᑲᑕ ᐅᕝᕙᓘᓐᓃᑦ ᐴᔅᑎᐊᒃᑯᑦ ᐊᐅᓚᔪᓐᓇᖏᑕᖏᓐᓄ ᖃᓄᐃᑦᑐᖃᓕᕐᓂᖅᑲᑦ, ᐊᑭᓖᒃᑲᓐᓂᕆᐊᖃᑐᐃᓐᓇᕆᐊᖃᕐᑐᑎᑦ. ᐊᑭᓖᑎᑕᐅᒃᑲᓐᓂᕋᔭᖅᑐᑎᑦ ᑎᑭᑉᐸᑦ ᐅᐸᒐᓱᑦᑕᖓᓄᑦ ᐆᒪᔫᑉ.

ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕝᕙᓘᓐᓃᑦ ᐃᓂᔅᓴᓕᐅᕈᒪᒍᕕᑦ ᐅᖄᓚᔪᓐᓇᕐᑐᑎᑦ ᐅᕗᖓ 1-800-568-7497.

ᐴᔅᑎᐊᒃᑯᑦ ᐸᓯᔭᔅᓴᐅᔾᔮᖏᓚᑦ ᔭᒐᑦᑐᖃᕐᓂᖅᑲᑦ, ᐋᓐᓂᖅᑐᖃᕐᓂᖅᑲᑦ, ᐋᓐᓂᐊᓕᖅᑐᖃᕐᓂᖅᑲᑦ ᐅᕝᕙᓘᓐᓃᑦ ᑐᖁᔪᖃᕐᓂᖅᑲᑦ ᐆᒪᔪᒥᒃ ᖃᖓᑕᑎᓪᓗᒍ.


ᐆᒪᔪᐃᑦ ᐃᒪᕐᒥᐅᑕᑦ

ᖃᓄᐃᙱᑦᑎᐊᕐᓗᓂ ᓱᕋᖁᓐᓇᒋᓪᓗ ᐃᒪᕐᒥᐅᑕᐃᑦ ᓂᖀᑦ, ᐴᔅᑎᐊᒃᑯᑦ ᐅᑯᓂᖓ ᒪᓕᑦᑕᐅᖁᔨᕗᑦ:

  • ᑯᕕᔪᓐᓇᖏᑦᑐᒥᒃ ᖄᕈᓐᓇᖏᑦᑐᒥᓪᓗ ᐴᖅᓯᒪᖁᔭᐅᕗᑦ ᐃᓗᓕᕇᓐᓂᒃ.
  • “ᐃᒪᕐᒥᐅᑕᖅ ᐆᒪᔪᖅ-ᓂᓪᓕᓇᕆᐊᓕᒃ” ᑎᑎᕋᖅᓯᒪᖁᔭᐅᕗᖅ ᑕᑯᔅᓴᐅᑎᐊᕐᓗᓂ.
  • ᐴᖅᓯᒪᔭᕆᐊᖃᖅᑯᖅ ᐆᓇᐃᓐᓇᖅᑑᔭᒧᑦ ᓴᓇᔭᐅᓯᒪᔪᒧᑦ ᑐᔪᐃᔾᔪᑎᐅᓗᓂ ᐃᒪᕐᒥᐅᑕᕐᒧᑦ ᐆᒪᔪᒥᒃ.
  • ᐴᖅᑲᖅᑎᐊᖅᓯᒪᔭᕆᐊᓕᒃ ᐆᓇᕐᓂᖓ ᓂᓪᓕᓇᕐᓂᖓᓘᓐᓃᑦ ᓈᒻᒪᒋᐊᓗᒍ ᑎᑭᓐᓇᓱᓐᓂᖓᓂ.
  • ᑐᔫᑕᐅᔭᕆᐊᓕᒃ ᑐᐊᕕᕐᓇᖅᑑᓗᒍ ᓱᕋᑦᑕᐃᓕᖁᓪᓗᒍ ᓂᕿᖓ (ᐃᑲᕐᕋᐃᑦ 24 ᖃᓪᓗᓈᓂᑦ ᐅᑭᐅᖅᑕᖅᑐᒧᑦ ᐊᒻᒪᓗ ᐃᒃᑲᕐᕋᐃᑦ 48-72-ᒧᑦ ᖁᑦᑎᓂᕐᓴᒧᑦ ᐅᑭᐅᖅᑕᖅᑐᒥ).
  • ᐅᖁᒪᐃᓐᓂᖃᕆᐊᖃᙱᓚᑦ 29kg ᐆᖓᑖᓂ ᐃᑭᓴᕋᐃᖁᓪᓗᒍ ᐊᒻᒪᓗ ᓱᕋᖁᓇᒍ ᓂᕿᖓ. ᐅᖁᒪᐃᓐᓂᖅᓴᐅᑉᐸᑦ ᑭᖑᕙᕐᓗᓂ ᓱᕋᑐᐃᓐᓇᕆᐊᖃᕐᒪᑦ.

If the packaging and labeling requirements are not in place, the shipment will be refused at time of tender.


ᐊᖏᓗᐊᖅᑐᑦ ᑐᔫᑏᑦ

ᖃᐅᔨᒋᐊᕐᕕᒋᒍᒃ ᑐᔪᐃᕕᐅᔪᖅ ᐊᑭᒋᒐᔭᖅᑕᖓᓂᒃ ᐊᒻᒪᓗ ᐱᔾᔭᐃᖅᓯᒪᔭᕆᐊᓕᓐᓂᒃ ᑐᔫᑎᒋᓇᓱᑦᑕᕕᑦ.


ᐊᓐᓂᓇᖅᑐᑦ

  • ᑐᔫᑎᐅᔪᖅ ᐊᑭᖃᕋᔭᕐᐸᑦ $1000.00 ᐅᖓᑖᓂ ᐅᖁᒪᐃᓐᓂᖓ ᒪᓕᓪᓗᒍ, ᑕᐃᒪᐃᒻᒪᑦ ᐊᓐᓂᓇᖅᑑᓂᕋᖅᑕᐅᒐᔭᖅᐳᖅ ᑭᓲᒐᓗᐊᖅᐸᑦ
  • ᒎᓗ, ᑎᑎᖅᑐᒐᐃᑦ, ᒥᖅᑯᓖᑦ, ᓇᒡᒍᐊᕐᒦᑦ, ᐄᔭᒐᐃᑦ ᐊᓐᓂᓇᖅᑑᓂᕋᖅᑕᐅᕗᑦ
  • ᑖᒃᑯᐊ ᓇᓗᓇᐃᖅᑐᖅᓯᒪᔪᒥᒃ ᐸᐃᑉᐹᒥᒃ ᑭᓲᓂᖏᓐᓂ ᐊᑭᖏᓐᓂᓪᓗ ᐃᓗᓕᖃᕐᐸᑕ ᓈᒪᒋᔭᐅᒐᔭᖅᐳᑦ.