ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

Slider-sidebar-230x210-Livery
FirstAir-Promo-2XAeroplan-SliderWeb-SMALL
ᐅᓯᓕᖅᓱᖅᑕᐅᔭᑦ

ᐊᑦᑕᓇᖅᑐᑦ ᑭᓱᑐᐃᓐᓇᐃᑦ

ᐃᓛᓗ ᕘᔅᑦ ᐃᐊᒃᑯᑦ ᖃᖓᑕᓲᖅᑎᖏᑦ ᐱᑦᑎᐊᕋᓱᒻᒪᕆᒃᑐᑎᒃ ᐅᓯᔭᐅᑎᑕᐅᔪᓂᒃ ᐊᒃᔭᖅᓯᔨᐅᕙᒃᑲᓗᐊᖅᑎᓪᓗᒋᑦ, ᐃᓚᖏᑦ ᐅᓯᔭᐅᑎᑕᐅᕙᒃᑐᑦ ᐅᔾᔨᖅᓱᑦᑎᐊᒻᒪᕆᖕᓂᖅᓴᐅᓗᒋᑦ ᑭᓯᐊᓂ ᑲᒪᒋᔭᐅᔭᕆᐊᖃᖅᐸᒻᒪᑕ, ᓲᕐᓗ ᐅᓗᕆᐊᓇᖅᑑᓪᓗᑎᒃ ᐱᖁᑏᑦ. ᐊᖏᔪᒻᒪᕆᖕᒥᒃ ᐅᓯᔨᐅᖃᑦᑕᖅᓯᒪᓂᑦᑎᓐᓄᑦ ᐅᓗᕆᐊᓇᖅᑑᑎᐅᓪᓗᑎᒃ ᐱᐅᖁᑎᓂᒃ ᐅᑭᐅᓄᑦ ᐊᒥᓲᓕᖅᑐᓄᑦ ᐱᓕᕆᐊᖃᖅᓯᒪᓕᕋᑦᑕ ᕘᔅᑦ ᐃᐊᒃᑯᑎᒍᑦ ᓯᕗᓪᓕᖅᐸᐅᓪᓗᑕ ᓂᕈᐊᖅᑕᐅᓯᒪᕙᓕᖅᐳᒍᑦ ᐅᓯᔨᒋᔭᐅᔪᒪᓪᓗᑕ ᖃᓄᐃᑦᑐᑐᐃᓐᓇᓂᒃ ᐅᓗᕆᐊᓇᖅᑑᑎᐅᓪᓗᑎᒃ ᐱᖁᑎᓂᒃ.


ᓇᓗᓇᐃᔭᐃᓂᖅ ᐅᓗᕆᐊᓇᖅᑑᑎᓂᒃ

ᐅᓗᕆᐊᓇᖅᑑᑎᐅᓂᕋᖅᑕᐅᔪᑦ ᐱᖁᑏᑦ ᓱᓇᖁᑎᒃᓴᐅᒻᒪᑕ ᐅᕝᕙᓘᓐᓃᑦ ᐊᑯᓪᓕᓕᖅᑕᐅᓯᒪᔫᓪᓗᑎᒃ ᐊᑦᑕᓇᖅᑐᒦᓕᕈᑎᐅᔪᓐᓇᖅᑐᑦ ᓇᓗᓇᐃᒻᒪᕆᒃᑐᒥᒃ, ᖃᓄᐃᖖᒋᑦᑎᐊᕆᐊᖃᕐᓂᕐᒧᑦ ᐃᓕᒪᓇᖅᑑᔪᓐᓇᖅᑐᑎᒃ, ᐅᕝᕙᓘᓐᓃᑦ ᐅᓗᕆᐊᓇᓗᐊᕋᔭᖅᑐᑎᒃ ᖃᖓᑕᓲᒃᑯᑦ ᐊᒃᔭᖅᑐᒐᐅᓇᔭᕈᑎᒃ. ᓯᓚᕐᔪᐊᓕᒫᒥ ᖃᖓᑕᓲᓕᕆᓂᕐᒧᑦ ᑲᑐᔾᔨᖃᑎᒌᒋᔭᐅᔪᑦ (IATA) ᐊᒻᒪᓗ ᑲᓇᑕᒥ ᖃᖓᑕᓲᓕᕆᔨᕐᔪᐊᒃᑯᓐᓄᑦ ᑎᒥᖁᑎᒋᔭᐅᔪᑦ ᐅᓗᕆᐊᓇᖅᑑᑎᐅᓂᕋᖅᑕᓂᒃ 9-ᖑᓪᓗᒋᑦ ᓇᓗᓇᐃᒃᑯᑕᓕᖅᑐᐃᓯᒪᕗᑦ ᒪᑯᓂᖓ:

  • ᓇᓗᓇᐃᒃᑯᑕᓕᒃ 1: ᖄᖅᑕᖅᑐᑦ
  • ᓇᓗᓇᐃᒃᑯᑕᓕᒃ 2: ᒑᓴᓖᑦ
  • ᓇᓗᓇᐃᒃᑯᑕᓕᒃ 3: ᐃᑯᐊᓪᓚᒃᓴᕋᐃᑦᑑᑎᑦ ᑯᕕᔪᓐᓇᖅᑐᑦ
  • ᓇᓗᓇᐃᒃᑯᑕᓕᒃ 4: ᐃᑯᐊᓪᓚᒃᓴᕋᐃᑦᑐᑦ ᐱᖁᑎᑦ
  • ᓇᓗᓇᐃᒃᑯᑕᓕᒃ 5: ᐅᖁᕐᓇᖅᑐᓖᑦ ᐊᒻᒪᓗ ᐊᑯᑉᓕᖅᓯᒪᔪᓕᐊᖑᓯᒪᔪᑦ
  • ᓇᓗᓇᐃᒃᑯᑕᓕᒃ 6: ᑐᖁᓐᓇᖅᑐᑦ ᐊᒻᒪᓗ ᐋᓐᓂᐊᕐᓇᓂᒃ ᐊᐃᑦᑐᐃᔾᔪᑎᐅᔪᓐᓇᖅᑐᑦ
  • ᓇᓗᓇᐃᒃᑯᑕᓕᒃ 7: ᐆᑕᕐᓇᖅᑐᓖᑦ
  • ᓇᓗᓇᐃᒃᑯᑕᓕᒃ 8: ᓄᖑᓐᓇᖅᑐᓖᑦ
  • ᓇᓗᓇᐃᒃᑯᑕᓕᒃ 9: ᐊᓯᖏᓪᓗ ᓱᓇᖁᑏᑦ ᐊᒻᒪᓗ ᐊᑯᓪᓕᓕᖖᒍᖅᑎᑕᐅᓯᒪᔪᑦ
    • ᓕᑎᐊᒻᓖᑦ ᐸᑐᓖᑦ, ᓕᑎᐊᒻᓖᑦ ᐹᑐᓖᕐᓄᑦ ᐃᖏᕐᕋᔪᓐᓇᐅᑎᖃᖅᑐᑦ ᓄᓇᓯᐅᑏᑦ, ᓇᖕᒥᓂᖅ ᐅᐊᔭᒨᖅᑐᓄᑦ ᐊᑐᖅᑕᐅᕙᒃᑐᑦ ᐊᑐᖅᑐᑎᒃ ᓕᑎᐊᒻᓕᖕᓂᒃ ᐹᑐᓖᓂᒃ, ᐸᓂᖅᑎᑕᐅᓯᒪᔪᑦ ᓯᑯᑦ, ᐊᕙᑎᒧᑦ ᐅᓗᕆᐊᓇᖅᑑᓪᓗᑎᒃ ᓱᓇᖁᑎᓕᐊᖑᓯᒪᔪᑦ, ᐃᓅᓕᓴᔾᔪᑏᑦ ᓴᓇᕐᕈᑏᑦ, ᐃᑯᒪᐃᑦ ᐊᒻᒪᓗ ᓄᓇᓯᐅᑏᑦ ᐊᑐᕆᐊᖃᖅᐸᒃᑐᑦ ᒑᓴᕇᖃᕆᐊᖃᖅᑐᑦ ᐃᑯᒪᐃᑦ, ᓂᐱᑦᑕᖅᑐᓕᕐᓯᒪᔪᑦ ᐱᖁᑎᑦ, ᓯᖃᓕᖖᒍᖅᑎᓯᒪᔪᑦ ᓴᓇᐅᒐᒃᓴᐃᑦ, ᖃᖓᑕᓲᓕᕆᔾᔪᑎᒃᓴᐃᑦ ᐱᖁᑏᑦ ᐅᕝᕙᓘᓐᓃᑦ ᑯᕕᔪᓐᓇᓕᖅᑎᑕᐅᓯᒪᔪᖁᑏᑦ, ᓂᐅᕕᐊᒃᓴᕆᔭᐅᕙᒃᑐᑦ, ᐃᓚᐅᕈᑎᒃᓴᐃᑦ ᐊᒻᒪᓗ ᐃᓅᓕᓴᐃᔾᔪᑎᒃᓴᐃᑦ.

ᐊᐅᓪᓚᖅᑎᑦᑎᔨᐅᔪᑦ ᐱᓕᕆᐊᒃᓴᖃᖅᑎᑕᐅᓂᖏᑦ

ᐊᐅᓪᓚᖅᑎᑦᑎᔨᐅᔪᖅ ᒪᓕᒋᐊᖃᖅᑎᑕᐅᕗᖅ ᑕᒪᐃᓂᒃ ᓯᓚᕐᔪᐊᓕᒫᒥ ᖃᖓᑕᓲᓕᕆᓂᕐᒧᑦ ᑲᑐᔾᔨᖃᑎᒌᒃᑯᑦ (IATA) ᐊᒻᒪᓗ ᑲᓇᑕᒥ ᖃᖓᑕᓲᓕᕆᔨᕐᔪᐊᒃᑯᓐᓄᑦ ᐅᓗᕆᐊᓇᖅᑑᑎᓄᑦ ᒪᓕᒐᒃᓴᖁᑎᖏᓂᒃ ᑐᓂᓯᓯᒪᓕᕈᓐᓇᕐᓂᕋᑐᐊᕌᖓᒥᒃ. ᐊᒻᒪᓗ, ᐊᐅᓪᓚᖅᑎᑦᑎᔨᐅᔪᑦ ᒪᓕᒋᐊᖃᖅᑎᑕᐅᓯᒪᒋᕗᑦ ᐊᑐᓕᖅᑎᑕᐅᔪᓐᓇᖅᑐᑎᒃ ᒪᓕᒃᑕᐅᒋᐊᓕᖁᑎᒋᔭᐅᔪᓂᒃ ᐋᖅᑭᒃᑕᐅᓯᒪᓪᓗᑎᒃ ᓄᓇᕐᔪᐊᕆᔭᐅᔪᒥᑦ, ᐊᒃᔭᖅᑐᐃᔨᐅᔪᓂᑦ ᐊᒻᒪᓗ ᑎᑭᕝᕕᒋᔭᐅᓂᐊᖅᑐᓄᑦ. ᓱᓇᑐᐃᓐᓇᑦ ᐴᖅᑐᖅᓯᒪᓪᓗᑎᒃ ᐱᖁᑏᑦ ᐅᓗᕆᐊᓇᖅᑑᑎᓂᒃ ᖃᖓᑕᓲᒃᑯᑦ ᐊᒃᔭᖅᑕᐅᖁᔭᐅᓪᓗᑎᒃ, ᑕᐃᓐᓇ ᐊᐅᓪᓚᖅᑎᑦᑎᔨᐅᔪᖅ ᒪᓕᒋᐊᖃᖅᑎᑕᐅᓪᓗᕆᒃᐳᖅ ᒪᑯᓂᖓ ᐱᓕᕆᐊᒃᓴᕆᔭᐅᕙᒃᑐᓂᒃ:

  • ᓯᓚᕐᔪᐊᓕᒫᒥ ᒪᓕᖁᑎᒋᔭᐅᔪᑦ ᒪᓕᒃᑕᐅᔭᕆᐊᖃᖅᐳᑦ ᐃᑭᒪᔪᑦ ᐃᖅᑲᓇᐃᔭᖅᑎᐅᔪᓪᓗ ᖃᓄᐃᖖᒋᑦᑎᐊᖅᑎᑕᐅᖁᓪᓗᒋᑦ
  • ᐊᐅᓪᓚᖅᑎᑦᑎᔨᐅᔪᖅ ᖃᐅᔨᒋᐊᖅᑳᕆᐊᖃᕐᓂᐊᕐᑐᖅ ᑕᐃᒃᑯᐊ ᐊᐅᓪᓚᖅᑎᓐᓂᐊᖅᑕᓂ ᖃᖓᑕᓲᒃᑯᑦ ᐅᓯᔭᐅᔪᖕᓇᖅᑎᑕᐅᒐᓗᐊᕐᒪᖔᑕ
  • ᑕᐃᒃᑯᐊ ᐊᐅᓪᓚᖅᑎᑕᐅᔪᑦ ᓇᓗᓇᐃᔭᖅᑕᐅᓯᒪᑦᑎᐊᕆᐊᖃᖅᐳᑦ ᓱᓇᐅᓂᖏᑦ, ᖃᓄᐃᑦᑑᓂᖏᑦ, ᐴᖅᑐᒐᐅᓯᒪᓗᑎᒃ, ᓇᓗᓇᐃᒃᑯᑕᓕᖅᑕᐅᓯᒪᓗᑎᒃ, ᓇᓗᓇᐃᒃᑯᑕᖃᖅᑎᑕᐅᓗᑎᒃ, ᑎᑎᕋᖅᑕᐅᓯᒪᓗᑎᒃᓗ ᐊᒻᒪᓗ ᒪᓕᒃᑎᑕᐅᓯᒪᑦᑎᐊᕐᓗᑎᒃ ᐅᓯᔭᐅᓂᐊᕐᓂᖏᓂ ᒪᓕᒃᑕᐅᒋᐊᓕᖁᑎᓂᒃ ᑐᖖᒐᕝᕕᒋᓪᓗᒋᑦ IATA-ᑯᑦ ᒪᓕᒐᒃᓴᖁᑎᖏᑦ
  • ᐅᓗᕆᐊᓇᖅᑑᑎᐅᓪᓗᑎᒃ ᐱᖁᑎᓂᒃ ᑐᓂᔭᐅᓯᒪᓕᓚᐅᖅᑳᕐᑎᓐᓇᒋᑦ ᖃᖓᑕᓲᒃᑯᑦ ᐊᒃᔭᖅᑕᐅᓂᐊᕐᓗᑎᒃ, ᑕᒪᕐᒥᒃ ᑕᐃᒃᑯᐊ ᐸᕐᓇᒃᑎᐅᓚᐅᖅᑐᑦ ᐱᓕᒻᒪᒃᓴᔭᐅᓯᒪᔭᕆᐊᖃᖅᐳᑦ ᐱᓕᕆᐊᒃᓴᕆᓂᐊᖅᑕᒥᓐᓂᒃ ᐱᓕᕆᐊᖃᕈᓐᓇᕐᓂᐊᖁᓪᓗᒋᑦ

ᐊᐅᓪᓚᖅᑎᑦᑎᔨᐅᔪᖅ ᐱᓕᕆᐊᒃᓴᖃᖅᑎᑕᐅᓯᒪᒻᒪᑦ ᑕᐃᓐᓇ ᐅᓗᕆᐊᓇᖅᑑᑎᐅᓪᓗᓂ ᐱᖁᑎᐅᔪᖅ ᐅᓯᔭᐅᔪᒃᓴᓄᐊᖅᑎᑕᐅᓯᒪᓕᕐᒪᖔᑦ ᖃᐅᔨᒋᐊᖅᑎᐅᓗᓂ ᐊᒻᒪᓗ ᐅᓯᔭᐅᔪᓃᓕᖅᐸᑦ ᐅᓯᔨᐅᔪᒧᑦ ᓇᓗᓇᐃᖅᓯᔨᐅᔭᕆᐊᖃᕐᓂᐊᖅᑐᓂ ᑕᑕᑎᕆᓯᒪᓗᓂ IATA-ᑯᑦ ᐊᐅᓪᓚᖅᑎᑦᑎᔨᐅᔪᑉ ᓇᓗᓇᐃᔭᐃᔾᔪᑎᖏᓂ. ᓇᓗᓇᐃᖅᓯᓯᒪᖖᒋᓐᓂᖅ ᐅᓗᕆᐊᓇᖅᑑᑎᐅᓪᓗᑎᒃ ᐱᖁᑎᓂᒃ ᒪᓕᒐᖁᑎᐅᔪᓂᒃ ᓯᖁᒥᑦᓯᓯᒪᓕᕈᑎᐅᕙᒻᒪᑦ ᑐᖖᖓᕝᕕᒋᓗᒋᑦ ᒐᕙᒪᑐᖃᒃᑯᓐᓂᑦ ᐱᖁᔭᖁᑎᒋᔭᐅᔪᑦ ᐊᒻᒪᓗ ᐊᐅᓪᓚᖅᑎᑦᑎᔨᐅᔪᑉ ᑕᒪᒃᑯᐊ ᐱᓕᕆᐊᒃᓴᕆᖕᒪᒋᑦ.

ᑭᒃᑯᓕᒫᑦ ᓯᖁᒥᑦᓯᔪᖅ ᐱᖁᔭᖁᑎᐅᔪᒥᒃ ᐅᕝᕙᓘᓐᓃᑦ ᒪᓕᒃᓯᒪᖖᒋᑦᑐᖅ ᒪᓕᒋᐊᖃᖅᑕᐅᑎᑕᕐᓂᒃ ᐅᓗᕆᐊᓇᖅᑑᑎᓂᒃ ᐅᓯᑎᑦᑎᓂᕐᒧᑦ ᒪᓕᒐᖁᑎᖏᓂᒃ ᐸᓯᔭᒃᓴᐅᓕᖅᑎᑕᐅᕙᒃᐳᖅ ᐃᒪᓐᓇ:

  • ᐱᖁᔭᖁᑎᐅᔪᒥᒃ ᓯᖁᒥᑦᓯᓯᒪᓂᕐᒧᑦ ᐸᓯᔭᒃᓴᕈᖅᑎᑕᐅᓯᒪᓪᓗᓂ ᐊᒻᒪᓗ ᐊᑭᓖᔭᕆᐊᖃᓕᖅᑎᑕᐅᓪᓗᓂ ᐅᖓᑖᓄᐊᖅᑎᑕᐅᓯᒪᖖᒋᑦᑐᓂᒃ 50-ᑕᐅᓴᓐᑖᓚᓂᒃ ᓯᕗᓪᓕᕐᒥᒃ ᓯᖁᒥᑦᑎᓯᓯᒪᓂᖓᓄᑦ, ᐊᒻᒪᓗ ᐅᖓᑖᓄᐊᖅᑎᑕᐅᓯᒪᖖᒋᑦᑐᓂᒃ 100-ᑕᐅᓴᓐᑖᓚᓂᒃ ᐊᑐᓂ ᓯᖁᒥᑦᑎᒃᑲᓐᓂᕈᑎᒋᔭᖏᓄᑦ ᐱᖁᔭᖁᑎᐅᔪᒥᒃ; ᐅᕝᕙᓘᓐᓃᑦ
  • ᐃᖅᑲᖅᑐᐃᔨᒧᑦ ᐃᖅᑲᖅᑐᒐᒃᓴᐅᓕᖅᑎᑕᐅᓗᓂ ᐊᒻᒪᓗ ᑎᒍᔭᐅᓯᒪᓕᕈᑎᒋᔪᓐᓇᕐᓗᓂᐅᒃ ᐅᖓᑖᓄᐊᖅᑭᑕᐅᓯᒪᓇᓂ ᒪᕐᕉᖕᓄᑦ ᐅᑭᐅᖕᓄᑦ.

ᑖᒃᑯᐊ ᐊᐅᓪᓚᖅᑎᑦᑎᕙᓐᓂᕐᓂᑦ ᐅᓗᕆᐊᓇᖅᑑᑎᓂᒃ ᐱᔾᔪᑎᖃᖅᑐᓄᑦ ᑐᑭᓯᒋᐊᒃᑲᓐᓂᕈᒪᔪᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᔪᑦ ᖃᓄᖅ ᐅᓗᕆᐊᓇᖅᑑᑎᓂᒃ ᐅᓯᔭᐅᑎᑦᑎᕙᓐᓂᕐᒧᑦ ᐱᔾᔪᑎᖃᖅᑐᓂᒃ ᖃᐅᔨᒋᐊᖁᓐᓇᖅᐳᑦ ᓄᓇᓕᒋᔭᒥᓐᓂ ᕘᔅᑦ ᐃᐊᒃᑯᑦ ᐅᓯᔭᐅᔪᒃᓴᓕᕆᔨᒃᑯᑦ ᐊᓪᓚᕝᕕᖓᓂᑦ.