ᐃᓂᔅᓴᓕᐅᕆᑦ

ᖃᐅᔨᒃᑲᐅᑎᒋᑦ

ᖃᖓᑕᔪᓂᒃ ᓇᓂᓯᔾᔪᑎ

ᐃᓯᕐᕕᐊ

FirstAir-ChristmasPromo-SliderWeb-SMALL
Slider-2017HolidayFares
Slider-sidebar-230x210-Livery
ᐴᔅᑎᐊ ᒥᔅᓵᓄᑦ

ᕘᔅᑦ ᐃᐅᒃᑯᑦ ᐊᓂᒍᐃᔾᔪᑎᒋᓯᒪᔭᖏᑦ

1946 ᕋᓱ (ᕋᔅ) ᐳᕌᑦᓕ ᐱᒋᐊᖅᑎᑦᑎᕗᖅ ᐳᕌᑦᓕ ᖃᖓᑕᓲᖅᑏᑦ ᐋᑐᕚᒥ, ᑲᓇᑕᐅᑉ ᐊᖏᔪᖅᑳᖃᕐᕕᐊᓂ.
1954 ᐳᕌᑦᓕ ᖃᖓᑕᓲᖅᑏᑦ ᐱᒋᐊᖅᐳᑦ ᐊᑭᓕᖅᑕᐅᓯᒪᓪᓗᑎᒃ ᓇᓗᓇᐃᔭᐃᓪᓗᑎᒃ ᐃᖅᑲᓇᐃᔭᖅᑐᑎᒃ ᐅᓇᓕᒃᑯᑦ ᐅᐊᑦᑎᕕᖏᓐᓄᑦ ᓄᓇᒥ ᑕᒫᓂ ᓱᕐᕋᑦᑕᐅᓯᒪᙱᑐᒥ ᓄᓇᑦᓯᐊᕐᒥ.
1958 ᑳᓐᑐᕌᒃᑯᑦ ᐱᓕᕆᓪᓗᑎᒃ ᓄᓇᖑᐊᓕᕆᔨᒃᑯᓐᓄᑦ ᑲᓇᑕᒥ, ᕋᔅ ᐊᒻᒪᓗ ᐱᖃᑎᖓ ᕕᐅᑎ ᐱᑉᔅ ᐋᖅᑭᔅᓯᓚᐅᖅᑑᒃ ᐊᔅᓴᓗᐊᖅᐸᔮᓐᓂᒃ ᐅᑭᐅᖅᑕᖅᑐᖅᓯᐅᑏᓐᓂᒃ ᑖᒃᑯᐊ ᐊᖅᑯᓯᐅᕆᓚᐅᖅᑐᑦ ᖃᐅᔨᔭᐅᕙᓪᓕᐊᓂᖓᓂᒃ ᐅᑭᐅᖅᑕᖅᑑᑉ ᐅᐸᒐᔅᓴᐅᓂᖓᓂ.
1958-68 ᐊᑭᓕᖅᑕᐅᓯᒪᔪᒃᑯᑦ ᖃᖓᑕᖃᑦᑕᕐᓂᖅ ᓯᐊᕐᒪᖅᐳᖅ ᐅᑭᐅᖅᑕᖅᑐᒧᑦ. ᐳᕌᑦᓕ ᖃᖓᑕᓲᖅᑏᑦ ᐱᖃᑎᖃᓕᖅᐳᑦ ᑭᓪᓕᓯᓂᐊᕐᑎᓂᑦ ᐊᒻᒪᓗ ᒐᕙᒪᒃᑯᑦ ᐱᓕᕆᔨᖏᓐᓂᑦ.
1968 ᐳᕌᑦᓕ ᖃᖓᑕᓲᖅᑏᑦ ᑐᓂᔭᐅᕗᑦ ᑳᓐᑐᕌᒃᒥᑦ ᖃᖓᑕᓂᐊᕐᓗᑎᒃ ᖃᐅᔨᓴᕐᓂᕐᒧᑦ ᐊᐅᔪᐃᑦᑐᖅ ᑕᑉᐹᓂ ᑐᑦᑑᔮᖅᑑᑉ ᐃᒪᖁᑎᖓᓂᑦ.
1971 ᐴᔅᑎᐊᒃᑯᑦ ᒪᑐᐃᖅᓯᕗᑦ ᖁᑦᑎᓂᕐᐹᒥ ᖃᖓᑕᓲᑯᕕᒻᒥᒃ ᔪᕇᑲᒥ (600 ᒪᐃᔪᒥᒃ ᐅᖓᓯᓐᓂᓕᒻᒥᒃ ᓯᓚᕐᔪᐊᑉ ᑲᔾᔨᖓᓂᑦ).
1973 ᐳᕌᑦᓕ ᖃᖓᑕᓲᖅᑏᑦ ᓴᖅᑮᕗᑦ ᐴᔅᑎᐊᑯᓐᓂᑦ.
1973 ᐴᔅᑎᐊᒃᑯᑦ ᒪᑐᐃᖅᓯᕗᑦ ᖃᖓᑕᓲᒃᑯᕕᒻᒥᑦ ᖃᐅᓱᐃᑦᑐᕐᒥ.
1973 ᖃᖓᑕᓲᖅ ᐃᓄᓐᓄᑦ ᐃᑭᒪᕕᐅᕙᑦᑐᖅ ᐱᒋᐊᕐᐳᖅ ᑲᓱᖅᑎᑦᑎᕙᑦᑐᓂ ᐋᑐᕚ ᐊᒻᒪ ᓄᐊᑦᕙᐃ (North Bay) ᐊᒻᒪ ᓱᑦᕗᕆ (Sudbury) ᐊᑐᖅᑐᑎᑦ ᑎᓴᒪᐅᔪᖅᑐᓂᑦ ᐃᓄᖃᓲᓂᒃ ᖃᖓᑕᓲᕐᒥᒃ.
1974 ᓯᕗᓪᓕᖅᐹ ᐃᖅᑲᓇᐃᔭᕐᕕᒻᒧᑦ ᖃᖓᑕᔾᔪᑕᐅᔪᖅ ᑕᐅᓄᖓ ᓯᓚᕐᔪᐊᑉ ᑭᒻᒥᖓᓄᑦ ᐊᒥᐊᓕᑲᒃᑯᑦ ᐱᓕᕆᔨᖏᓐᓄᑦ.
1975 ᐴᔅᑎᐊᒃᑯᑦ ᒪᑐᐃᖅᓯᕗᑦ ᖃᖓᑕᓲᒃᑯᕕᒻᒥᒃ ᐃᖃᓗᓐᓂ.
1978 ᕿᑭᖅᑖᓗᒻᒥ ᐊᐅᓚᓂᕆᕙᑦᑕᖏᑦ ᐅᐸᖃᑦᑕᕐᑎᖏᑦ ᓲᕕᐅ ᓂᐅᕕᐊᕆᔭᐅᕗᑦ ᐴᔅᑎᐊᒃᑯᓐᓄᑦ. ᖃᖓᑕᖃᑦᑕᕐᓂᐊᓕᕐᓗᑎᒃ ᐅᓯᖃᑦᑕᕐᓗᑎᒃ ᐃᓄᓐᓂᒃ ᐊᒻᒪᓗ ᑭᓱᑐᐃᓐᓇᕐᓂᒃ ᑕᒫᓂ ᓄᓇᑦᓯᐊᕐᒥ.
1986 ᐴᔅᑎᐊᒃᑯᑦ ᓱᐱᔪᕐᑖᖅᐳᑦ 727-100 -ᒥᒃ ᐅᓯᖃᑦᑕᖅᓂᐊᕐᓗᑎᒃ ᐃᓄᓐᓂᑦ ᐊᒻᒪᓗ ᓱᓇᑐᐃᓐᓇᕐᓂᑦ. ᑖᓐᓇ ᐅᑭᐅᖅᑕᖅᑐᓕᐊᖃᑦᑕᕐᓂᕐᒥ ᐱᕙᓪᓕᐊᑎᑦᑎᒻᒪᕆᒃᐳᖅ.
1987-94 ᖃᖓᑕᓲᖅᑏᑦ ᐃᑲᔪᖅᓱᐃᕗᑦ ᐅᓯᖃᑦᑕᕐᑐᑎᒃ ᓄᓇᒥᒃ ᐅᐊᑦᑎᕕᐅᔪᓂᒃ ᐱᒋᐊᕐᑐᒍ ᐊᓛᔅᑲᒥᒃ ᐊᑯᑭᑦᑐᓄᑦ.
1990 ᒪᑭᕕᒃᑯᑦ ᓂᐅᕕᖅᐳᑦ ᐴᔅᑎᐊᑯᓐᓂᑦ ᒪᑭᕕᒃ.
1995 ᑖᒥᒐᓐᑯᑦ ᖃᖓᑕᓲᖏᑦ ᔭᓗᓇᐃᒦᑦᑐᑦ ᓂᐅᕕᐊᖑᕗᑦ ᓯᐊᕐᒪᕐᑐᑎᑦ ᖃᖓᑕᓲᖏᑦ ᐊᑐᖅᑕᐅᔪᓐᓇᖅᑐᑦ ᐊᑭᓕᖅᑕᐅᓯᒪᓗᑎᒃ ᑖᕙᓂ ᐅᐊᓐᓇᖏ ᐅᑭᐅᖅᑕᖅᑑᑉ.
1996 ᐴᔅᑎᐊᒃᑯᑦ ᓇᓪᓕᐅᓂᖅᓯᐅᖅᐳᑦ ᐊᕐᕌᒍᓂᒃ 50-ᓂᒃ ᖃᖓᑕᖃᑦᑕᕐᑐᑎᒃ ᐅᑭᐅᖅᑕᖅᑐᒥ.
1997 NWT ᖃᖓᑕᓲᖏᑦ ᓂᐅᕕᐊᖑᕗᑦ ᐊᑐᖅᑕᐅᔪᓐᓇᕐᓂᖏᓪᓗ ᐊᒥᓲᓕᖅᐳᑦ ᐅᑭᐅᖅᑕᖅᑐᒥ ᐃᓄᓐᓄᑦ ᐅᕝᕙᓘᓐᓃᑦ ᐅᓯᔾᔪᑕᐅᔪᓐᓇᖅᓯᕗᑦ ᓱᓇᑐᐃᓐᓇᕐᓂ. ᐴᔅᑎᐊᒃᑯᑦ ᑲᑐᔾᔨᖃᑎᖃᕐᐳᑦ ᐃᐅ ᑲᓇᑕᒃᑯᓐᓂᑦ ᐊᒃᑲᕐᕆᔮᖁᓪᓗᒋᑦ ᐃᓄᐃᑦ.
1999 ᐴᔅᑎᐊᒃᑯᑦ ᐃᓕᓴᕐᓯᕗᑦ ᓄᓇᕘᑦ ᐱᙳᖅᑎᑕᐅᓂᖓᓂᒃ ᓴᖅᑮᕗᑦ “ᖁᕕᐊᓲᑎᖃᕐᓂᖅ 99”.
2001 ᖃᕋᓴᐅᔭᒃᑯᑦ ᐃᓂᔅᓴᓕᐅᕈᑎ ᐊᑐᖅᑕᐅᓕᖅᑯᖅ ᐊᑲᕐᕆᔮᕈᑎᐅᖁᓪᓗᒍ ᖃᖓᑕᕙᑦᑐᓄᑦ.
2001 ATR42-300 ᑭᖑᕝᕖᕗᖅ HS748-ᒥᑦ. ᑖᓐᓇ ᓯᕗᓪᓕᖅᐹᖑᕗᖅ ᑖᕙᙵᑦ ᐅᐊᓕᓂᐊᕐᒥᑦ ᐱᒋᐊᕐᕕᖃᕐᑐᓂ ᖃᖓᑕᓲᖅ.
2002 ᐴᔅᑎᐊᒃᑯᑦ ᐃᓕᓴᕆᔭᐅᕗᑦ ᑲᓇᑕᒥ 50-ᐃᐅᔪᓂᒃ ᐊᐅᓚᑕᐅᑦᑎᐊᕐᓂᖏᓐᓂᑦ ᐱᕈᖅᐸᓪᓕᐊᓂᖓᓄᒃ ᐊᕐᕌᒍᐃᑦ ᐱᖓᓱᑦ ᓈᑎᓪᓗᒋᑦ. ᐃᓕᓴᕆᔭᐅᔾᔪᓯᐊᖅ ᓴᕿᖅᑕᐅᔪᖅ ᐅᑯᓄᖓ Andersen, CIBC, National Post ᐊᓐᑦ Queen’s School of Business.
2003 ᖃᕋᓴᐅᔭᒃᑯᑦ ᖃᖓᑦᑕᐅᑎᑖᕈᓐᓇᕐᓂᖅ ᐱᒋᐊᖅᑎᑕᐅᕗᖅ ᐊᑲᕐᕆᔮᕈᓐᓇᖁᓪᓗᒋᑦ ᐊᒻᒪᓗ ᓱᒃᑲᓕᕚᓪᓕᕈᓐᓇᖁᓪᓗᒋ ᖃᖓᑕᖃᑦᑕᕐᓂᖅ.
2005 ᐴᔅᑎᐊᒃᑯᑦ ᓴᖅᑮᕗᑦ ᐃᓄᐃᓐᓇᕐᓄᑦ ᐃᑭᒪᕕᐅᔪᓐᓇᖅᑐᒥᒃ ᓱᐱᔪᒥᒃ ᐋᑐᕚᒥᒃ ᐃᖃᓗᓐᓄᑦ.
2005 ᓱᐱᔫᑉ ᐸᒥᐅᖓ ᐱᐅᒋᔭᐅᕗᖅ ᐊᒥᐊᖅᓯᒪᓂᖓᓄᑦ ᐅᒪᔪᙳᐊᓂᒃ ᐊᒻᒪᓗ ᐅᑭᐅᖅᑕᖅᑑᑉ ᒥᔅᓵᓄᖓᓂᒃ.
2006 ᐴᔅᑎᐊᒃᑯᑦ ᓇᓪᓕᐅᓂᖅᓯᐅᖅᐳᑦ ᐊᕐᕌᒍᓂᑦ 60 ᖃᖓᑕᓲᖑᓕᕐᓂᖏᓐᓂᑦ ᐅᑭᐅᖅᑕᖅᑐᒥ.
2006 ᐃᓄᓐᓂᑦ ᐅᓯᔪᓐᓇᖅᑐᖅ ᓱᐱᔪᖅ ᓴᕿᖅᑕᐅᕗᖅ ᖃᖓᑕᖃᑦᑕᕐᓂᐊᕐᓗᓂ ᐃᐊᑦᒪᓐᑕᓐᒥᑦ ᔭᓗᓇᐃᒃᑯᑦ.
2006 ᐊᐃᑉᐸᖓ ᓪ-382 ᖃᖓᑕᓲᕐᔪᐊᖅ ᐱᖃᑕᐅᓕᕐᐳᖅ ᐴᔅᑎᐊᒃᑯᑦ ᖃᖓᑕᓲᖁᑎᖏᓐᓂ.
2008 ᐅᑭᐅᖅᑕᕐᑐᖅᒥᐅᑦ ᓄᓇᓖᑦ ᖃᕋᓴᐅᔭᑎᒎᕈᓐᓇᖅᓯᕗᑦ ᖃᖓᑕᓲᓕᕆᓂᕐᒨᖓᔪᑦ.
2009 ᐊᖏᓪᓕᕙᓪᓕᐊᓂᖓ ᐴᔅᑎᐊ ᓄᓇᕘᒥ ᓴᖅᑭᖅᐳᖅ ᖃᒪᓂᖅᑐᐊᒥᑦ ᑲᖏᖅᓯᓂᕐᒧᕈᓐᓇᖅᓯᒐᒥ. ᑭᖑᓂᖓᒍᑦ ᐊᕐᕕᐊᒨᕈᓐᓇᖅᓯᓪᓗᓂ.
2009 ᓱᐱᔪᕐᔪᐊᖅ 767-223 SF (ᐅᓯᓲᕐᔪᐊᖅ) ᓴᕿᖅᑕᐅᕗᖅ ᓯᕗᓪᓕᖅᐹᖑᓪᓗᓂ ᐅᓯᔾᔪᑎᑐᐃᓐᓇᐅᓪᓗᒍ ᓱᓇᑐᐃᓐᓇᕐᓂᑭᔅ.
2010 ᐴᔅᑎᐊᒃᑯᑦ ᐊᑐᖅᐳᑦ ᓱᐱᔪᕐᔪᐊᕐᒥᒃ ᐃᑲᔪᕆᐊᖅᑐᑎᒃ ᕼᐊᐃᑎᒥ ᓄᓇᖓ ᓴᔪᑉᐱᓪᓚᓚᐅᕐᑎᓪᓗᒍ.
2010 ᐃᓪᓗᓕᒑᕐᔪᒃ, ᓴᓪᓕᖅ, ᓇᐅᔮᑦ ᐊᒻᒪᓗ ᑎᑭᕋᕐᔪᐊᖅ-ᒨᖃᑦᑕᕐᓂᖓ ᓈᕆᕗᖅ ᑭᕙᓪᓕᕐᒥᒃ.
2010 Norman Wells, ᓄᓇᑦᓯᐊᖅ ᐃᓚᓕᐅᔾᔭᐅᔪᖅ ᐅᐸᑉᐸᑦᑕᖏᓐᓄᑦ ᐴᔅᑎᐊᒃᑯᑦ.
2010 ᐴᔅᑎᐊᒃᑯᑦ ᐊᖏᖃᑎᒌᖃᑎᖃᕐᐳᑦ ᐊᑐᖅᑕᐅᖃᑦᑕᕐᓂᐊᕐᓗᑎᒃ ᑭᕙᓪᓕᕐᒥ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᑎᖃᖃᑕᐅᔪᓂᒃ.
2010 ᕘᔅᑎᐊᒃᑯᑦ ᓴᖅᑭᑦᑎᕗᑦ ᓯᕗᒐᕆᐊᕐᓂᕐᒥᒃ, ᐅᑭᐅᖅᑕᖅᑐᒥᐅᓄᑦ ᐃᖅᑲᓇᐃᔮᖅᑖᕋᓲᑎᒥᒃ ᐃᓕᓐᓂᐊᕐᓂᒃᑯᑦ. 500-ᒦᓗᐊᖅᑐᑦ ᐃᓄᐃᑦ ᑕᑯᔭᖅᑐᖅᐳᑦ ᓴᖅᑭᑎᑕᐅᓂᖓᓂᒃ ᐃᖃᓗᐃᑦ ᒥᕝᕕᖓᓂ
2010 ᕘᔅᑎᐊᒃᑯᑦ ᐊᒻᒪ ᓴᒃᑯ ᐱᕙᓪᓕᐊᔪᓕᕆᔨᒃᑯᑦ ᓇᓗᓇᐃᖅᓯᕗᑦ ᐱᓕᕆᖃᑎᒌᖕᓂᐊᕐᓂᕆᔭᖏᓐᓂᒃ, ᖃᖓᑕᓲᓂᒃ ᓴᒃᑯ ᓯᕗᓪᓕᖅ ᖃᖓᑕᓲᓂᒃ ᑭᕙᓪᓕᕐᒥ ᖃᖓᑕᖃᑦᑕᕐᓂᐊᕐᓗᓂ
2010 ᕘᔅᑎᐊᒃᑯᑦ ᐊᒻᒪ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ ᓇᓗᓇᐃᖅᓯᕗᑦ ᐅᓯᑲᖅᑕᕐᓂᕐᒧᑦ ᐊᖏᖃᑎᒌᒍᑎᒥᒃ ᓄᓇᕗᒻᒥᐅᓄᑦ ᐊᑐᖅᑕᐅᔪᓐᓇᕐᓂᐊᖅᑐᓂᒃ
2011 ᕘᔅᑎᐊᒃᑯᑦ ᐊᒻᒪ ᕿᑭᖅᑖᓗᒃ ᑯᐊᐳᕇᓴᒃᑯᑦ ᓇᓗᓇᐃᖅᓯᕗᑦ ᕿᑭᖅᑕᓂ ᓯᕗᓪᓕᖅ ᖃᖓᑕᓲᓂᒃ ᕿᑭᖅᑖᓗᖕᒥ ᖃᖓᑕᖃᑦᑕᕐᓂᐊᕐᓗᓂ
2011 ᑭᖑᓪᓕᖅᐹᖅ ᖃᖓᑕᓲᖅ Hawker Siddeley HS748 ᖃᖓᑕᓲᖅ ᓄᖅᑲᖅᑎᑕᐅᕗᖅ ᖃᖓᑕᖃᑦᑕᕐᓂᕐᒥᒃ 25 ᐊᕐᕌᒍᑦ ᐊᑐᖅᑕᐅᓚᐅᕐᓗᓂ ᓯᕗᓪᓕᖅᐹᖑᖃᑕᐅᓗᓂ ᖃᖓᑕᓲᓂᒃ
2011 ᑲᓇᑕᐅᑉ 50 ᓇᒻᒥᓂᖁᑎᒋᔭᐅᔪᑦ ᐊᐅᓚᓂᖃᑦᑎᐊᓛᖑᔪᓄᑦ ᐃᓕᓴᕆᔭᐅᔾᔪᑎ ᑐᓂᔭᐅᕗᖅ ᕘᔅᑎᐊᒃᑯᓐᓄᑦ Deloitte, CIBC ᑮᓇᐅᔭᖃᕐᕕᖕᒥᑦ, National Post ᐱᕙᓪᓕᐊᔪᓕᕆᔨᒃᑯᓐᓂᑦ ᐊᒻᒪ ᑯᐃᓐ ᓇᒻᒥᓂᖃᕐᓂᕐᒧᑦ ᐃᓕᓐᓂᐊᕐᕕᖕᒥᑦ
2011 ᓄᓇᓕᖕᓂᒃ ᐃᑲᔪᕐᓂᕐᒧᑦ ᐊᒻᒪ ᐊᕙᑎᒥᒃ ᑲᒪᑦᑎᐊᕐᓂᕐᒧᑦ ᐃᓕᓴᕆᔭᐅᔾᔪᑎ ᑐᓂᔭᐅᕗᖅ ᑭᕙᓪᓕᕐᒥ ᓇᒻᒥᓂᖁᑎᓖᑦ ᑲᑐᔾᔨᖃᑎᒌᖏᓐᓄᑦ ᕘᔅᑎᐊᒃᑯᑦ ᐱᑦᑎᐊᕐᓂᖏᓐᓄᑦ ᑭᕙᓪᓕᕐᒥ
2011 ᓯᕗᒐᕆᐊᕐᓂᖅ ᐃᓕᓐᓂᐊᕈᑎ ᓴᖅᑭᑎᑕᐅᕗᖅ ᑲᖏᖅᖠᓂᕐᒥ ᐃᖅᑲᓇᐃᔮᒃᓴᓂᒃ ᓴᖅᑭᔮᖅᑎᑦᑎᓂᕐᒥ ᓯᓂᒃᑕᕐᕕᒃ ᕼᐆᑎᐅᓪᒥ ᐊᒻᒪ ᓱᐴᔪᖅ Boeing 767 ᒥᓪᓗᓂ ᒥᕝᕕᖓᓂ. ᑖᓐᓇ ᐊᖏᓛᖑᕗᖅ ᖃᖓᑕᓲᓂᒃ ᒥᖃᑦᑕᖅᑐᓂᒃ ᑲᖏᖅᖠᓂᕐᒧᑦ.
2011 ᔭᓗᓇᐃ ᓇᒻᒥᓂᖃᖅᑎᓄᑦ ᑲᑐᔾᔨᖃᑎᒌᖏᑦ ᐃᓕᓴᖅᓯᕗᑦ ᕘᔅᑎᐊ ᓄᓇᓕᖕᓄᑦ ᐃᑲᔪᕋᓱᑦᑎᐊᕐᓂᖏᓐᓄᑦ ᓇᒻᒥᓂᖁᑎᒋᔭᐅᔪᓂᒃ.
2011 ᓯᕗᓪᓕᖅᐹᖅ ᒪᕐᕉᖕᓂᒃ ATR 72-212 ᖃᖓᑕᓲᖅ ᐱᒋᐊᖅᑎᑕᐅᕗᖅ. ᕘᔅᑎᐊᒃᑯᑦ ᓯᓚᕐᔪᐊᒥ ᓯᕗᓪᓕᖅᐹᖑᕗᑦ ᖃᖓᑕᓲᖃᕐᓂᕐᒥᒃ ATR 72-212-ᒥᒃ ᐃᓄᖕᓂᒃ ᐊᒻᒪ ᓱᓇᑐᐃᓐᓇᕐᓂᒃ ᐅᓯᑲᖅᑕᕈᓐᓇᕐᓗᓂ.
2012 ᐊᑐᓕᖅᑎᑦᑎᓂᖅ TRAX-ᒥᒃ, ᖃᕆᓴᐅᔭᒧᑦ ᐃᓕᐅᖅᑲᐃᔪᓐᓇᖅᑐᖅ ᖃᖓᑕᓲᓂᒃ ᐊᐅᓚᐅᑎᖏᓐᓂᒡᓗ ᑲᒪᔾᔪᑏᑦ.
2012 ᐊᑐᓕᖅᑎᑦᑎᓂᖅ AFIRS-ᒥᒃ ᖃᖓᑕᓲᓄᑦ ᐊᐅᓚᔾᔪᑎᓂᒃ ᓇᒻᒥᓂᖅ ᖃᖓᑕᓲᓕᒫᖏᓐᓄᑦ (ᐱᓐᖏᑕᑐᐊᕆᓪᓗᒍ L-382 Hercules ᖃᖓᑕᓲᕐᔪᐊᖅ)
2012 ᕘᔅᑎᐊᒃᑯᑦ ᐱᓕᕆᖃᑎᒌᖕᓂᐊᓕᖅᐳᑦ Air Greenland-ᒃᑯᓐᓂᒃ (ᑲᓚᖡᑦ ᓄᓇᓂ ᖃᖓᑕᓲᓕᕆᔨᒃᑯᑦ) ᐊᕐᕌᒎᑉ ᐃᓚᖓᓂ ᖃᖓᑕᖃᑦᑕᕐᓂᐊᕐᓗᑎᒃ ᓅᒃᒧᑦ ᐱᓕᕆᖃᑎᒌᖕᓂᕐᒧᑦ ᐊᖏᖃᑎᒌᒍᑎᒃᑯᑦ.