ᕘᔅᑦ ᐃᐅ ᒥᒃᓵᓄᑦ
ᑐᙵᓱᒋᑦ ᕘᔅᑦ ᐃᐅᒃᑯᓐᓄᑦ, ᖃᖓᑕᓲᓕᕆᔨᒃᑯᑦ ᐅᑭᐅᖅᑕᖅᑐᒥ.
ᐱᒃᑯᒍᓱᒃᑐᑎᒃ ᐱᑕᖃᖅᑎᑦᑎᕙᒃᑐᑦ ᐃᓂᒃᓴᓕᐅᖅᓯᒪᔪᑎᒍᑦ ᐃᑭᒪᕕᐅᕙᒃᑐᒥᒃ ᐊᒻᒪᓗ ᐅᓯᓕᖅᑐᖅᑕᐅᔭᕆᐊᓕᖕᓄᑦ ᐱᔨᑦᑎᕋᕈᑎᓂᒃ 30 ᐅᑭᐅᖅᑕᖅᑐᒥ ᓄᓇᓖᑦ ᐊᑯᓐᓂᖏᑎᒍᑦ ᐊᒃᑐᐊᖓᓂᖃᖅᑐᑦ ᐃᐊᑦᒪᓐᑕᓐᒧᑦ, ᐅᐃᓂᐱᐊᒡ, ᒪᓐᑐᕆᐊ ᐊᒻᒪᓗ ᐋᑐᕚ. ᖃᖓᑕᓲᖁᑎᒋᔭᑦᑎᓐᓂ ᖃᖓᑕᓲᑦ ᐊᔾᔨᒌᖏᓐᓂᖃᖅᐳᑦ ᐅᑯᐊᖑᓪᓗᑎᒃ ᕼᒻᕐᒻ, ᕼᒻᑉᒻ, )ᐳᒻᒃᓐ, -ᕐᔾᔾ ᐊᒻᒪᓗ ᖃᖓᑕᓲᕐᔪᐊᖅ ᐊᑐᐃᓐᓇᐅᕙᒃᑐᑦ ᓵᑕᖅᑕᐅᔪᓐᓇᕐᓗᑎᒃ ᓄᓇᕐᔪᐊᓕᒫᒥ.
ᕘᔅᑦ ᐃᐅᒃᑯᑦ ᓇᓗᓇᐃᒃᑯᑕᖓᑕ ᐊᑎᖓ ᐊᑐᖅᑕᐅᕙᒃᑐᖅ ᐳᕌᑦᓕ ᖃᖓᑕᓲᓕᕆᔨᒃᑯᓐᓂᑦ. ᕘᔅᑦ ᐃᐅᒃᑯᑦ ᓴᖅᑭᑕᐅᓚᐅᖅᓯᒪᔪᑦ !946-ᒥ ᐃᓅᔪᓐᓕᖅᓯᒪᔪᖅ ᕋᓱᓪ ᐳᕌᑦᓕᒧᑦ. ᑲᒻᐸᓂᒃᑯᑦ ᐊᐅᓚᓂᕆᕙᒃᑕᖏᑦ ᐱᒋᐊᕈᑎᖃᓚᐅᖅᓯᒪᔪᑦ ᒥᑭᑦᑐᒥᒃ ᐊᖏᓂᖓᒍᑦ ᐋᑐᕚᑉ ᒥᑦᑕᕐᕕᖓᓂ. 1950-ᖏᓐᓂ ᑲᒻᐸᓂᒃᑯᑦ ᓅᓚᐅᖅᓯᒪᔪᑦ ᑳᑉ ᒥᑦᑕᕐᕕᖁᑎᖓᓄᑦ ᑖᓐᓇ ᐋᑐᕚ ᓄᓇᓕᐸᐅᔭᒃᑯᑦ ᐱᖓᓐᓇᖅᐸᓯᐊᓕᑦᑐᖅ, ᑲᓇᑕᐅᑉ ᐊᖓᔪᖅᑳᖃᕐᕕᖓᓂ.
ᑲᒻᐸᓂᒃᑯᑦ ᒫᓐᓇ ᓇᖕᒥᓂᕆᔭᐅᓕᖅᑐᑦ ᒪᑭᕕᒃ ᑯᐊᐳᕇᓴᒃᑯᓐᓂᑦ ᑰᔾᔪᐊᖅ, ᑯᐸᐃᒃᒥ. ᒪᑭᕕᒃ ᑯᐊᐳᕇᓴᒃᑯᑦ ᑎᒥᕈᖅᓯᒪᔪᑦ ᑖᓐᓇ ᓴᖅᑭᑕᐅᓯᒪᔪᖅ ᑭᒡᒐᖅᑐᕐᓗᒋᑦ ᐃᓄᐃᑦ ᑯᐸᐃᒃ ᑕᕐᕋᖓᓂ ᐱᕙᓪᓕᐊᔪᓐᓇᕐᓗᑎᒃ ᐊᒻᒪᓗ ᑮᓇᐅᔭᓕᐅᕈᓐᓇᕐᓗᑎᒃ ᐊᑭᓕᐅᑕᐅᔪᓂᒃ ᔭᐃᒥᓯ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᓄᑦ ᐊᖏᖃᑎᒌᒍᑕᐅᓯᒪᔪᒥᑦ, ᐊᑎᓕᐅᖅᑕᐅᓚᐅᖅᓯᒪᔪᖅ 1975-ᒥ ᓯᕗᓪᓕᖅᐹᖑᓪᓗᓂ ᑲᓇᑕᐅᑉ ᐅᓪᓗᒥᒧᑦ ᓄᓇᖃᖅᑳᖅᓯᒪᔪᑦ ᓄᓇᑖᕐᓂᕐᒧᑦ ᐊᖏᖃᑎᒌᒍᑎᒋᓯᒪᔭᖓᑦ.
ᐱᔨᑦᑎᕋᕈᑎᓄᑦ ᐱᐅᓯᐅᔪᑦ ᐱᑕᖃᖅᑎᑕᐅᔪᑦ
ᕘᔅᑦ ᐃᐅᒃᑯᑦ ᓂᐅᕕᖅᐸᒃᑐᖁᑎᒋᔭᖏᓐᓄᑦ ᐱᑕᖃᕈᓐᓇᖅᑎᑦᑎᓯᒪᕗᑦ ᐃᓚᓕᐅᔾᔭᐅᓯᒪᑦᑎᐊᖅᑐᑦ ᑲᑎᙵᐅᖅᑐᑦ ᐅᑯᓂᖓ: ᖃᖓᑕᓲᒃᑯᑦ ᐅᓯᓕᖅᓱᐃᓂᕐᒧᑦ ᐱᔨᑦᑎᕋᕈᑎᑦ; ᐃᖏᕐᕋᕙᒃᑐᓄᑦ ᐱᔨᑦᑎᕋᕈᑎᑦ; ᓵᑕᖅᓯᓂᕐᒧᑦ ᐱᔨᑦᑎᕋᕈᑎᑦ, ᐱᓕᕆᑎᑕᐅᓂᕐᒧᑦ ᐊᖏᕈᑎᖃᕐᓂᕐᒥᒃ ᐱᓕᒻᒪᒃᓴᐃᓂᕐᒧᑦ,, ᐊᒻᒪᓗ ᐊᓯᖏᓪᓗ ᖃᖓᑕᓲᓕᕆᓂᕐᒧᑦ ᐱᔨᑦᑎᕋᕈᑎᑦ..
ᐱᓕᕆᐊᖅ ᐊᐅᓚᓂᕆᔭᖏ
ᐃᓂᒃᓴᓕᐅᖅᓯᒪᔪᑎᒍᑦ ᐱᔨᑦᑎᕋᕈᑎᒋᔭᐅᔪᑦ (ᐃᑭᒪᔪᓄᑦ ᐊᒻᒪᓗ ᐅᓯᓕᖅᓱᖅᑕᐅᔭᕆᐊᓕᖕᓄᑦ) ᐱᑕᖃᖅᑎᑕᐅᕙᒃᐳᖅ 34 ᓄᓇᓕᐅᔪᓄᑦ ᐋᓐᑎᐅᕆᐅᒥ, ᑯᐸᐃᒃᒥ, ᒫᓂᑑᐸᒥ, ᐃᐅᓪᐴᑕᒥ, ᔫᑳᓐᒥ, ᓄᓇᕗᒥ ᐊᒻᒪᓗ ᓄᓇᑦᓯᐊᕐᒥ. ᐊᒻᒪᓗ, ᕘᔅᑦ ᐃᐅᒃᑯᑦ ᐊᐅᓚᑦᑎᕙᒃᐳᑦ ᖃᖓᑕᓲᒥᒃ ᓵᑕᖅᓯᑎᑦᑎᓂᕐᒧᑦ ᐅᑭᐅᖅᑕᖅᑐᒥ ᐊᒻᒪᓗ ᓄᓇᕐᔪᐊᓕᒫᒥ.
ᖃᖓᑕᓂᕐᒧᑦ ᐃᓂᒃᓴᓕᐅᖅᓯᒪᔪᓄᑦ ᐊᒻᒪᓗ ᖃᖓᑦᑕᐅᑎᓄᑦ ᑐᑭᓯᒋᐊᕈᑎᒃᓴᑦ
ᕘᔅᑦ ᐃᐅᒃᑯᑦ ᐃᓂᒃᓴᓕᐅᖅᓯᒪᔪᑎᒍᑦ ᐊᒻᒪᓗ ᖃᖓᑦᑕᐅᑎᑦ ᐊᑭᖏᑦ ᐊᑐᐃᓐᓇᐅᕗᑦ ᐃᖏᕐᕋᔪᓕᕆᔨᒃᑯᑦ ᐱᒡᒍᔾᔨᔨᖏᓐᓂ ᓄᓇᕐᔪᐊᓕᒫᒥ ᐅᖄᓚᕕᒋᓗᒋᑦ (ᑲᓇᑕᒥ) 1-800-267-1247 ᐅᕝᕙᓘᓐᓕᑦ ᑐᓵᔾᔪᑎᖃᕆᐊᓕᖕᓄᑦ ᐅᕙᑦᑎᓐᓄᑦ 1-877-873-3718. ᓇᒃᓯᐅᔾᔨᔪᓐᓇᕐᒥᔪᑎᑦ ᓱᒃᑲᔪᑯᑦ ᐅᕗᖓ (613) 254-6303 ᐅᕝᕙᓘᓐᓕᑦ ᖃᕋᓴᐅᔭᒃᑯᑦ ᐅᕗᖓ reservat@firstair.ca.
ᖃᖓᑕᒐᔪᖃᑦᑕᕐᓂᕐᒧᑦ ᓄᐊᑦᑎᕙᓪᓕᐊᔾᔪᑎᑦ
ᐃᓚᒋᔭᐅᖃᑕᐅᑎᓪᓗᑕ ᐃᐅ ᑲᓇᑕ ᒃᑯᑦ ᖃᖓᑕᒐᔪᖃᑦᑕᕐᓂᕐᒧᑦ ᓄᐊᑦᑎᕙᓪᓕᐊᔾᔪᑎᓄᑦ ᐱᓇᓱᐊᖅᑕᐅᔪᖅ, ᐃᐅᕈᐸᓛᒃᑯᑦ, ᕘᔅᑦ ᐃᐅᒃᑯᑦ ᐃᓂᒃᓴᓕᐅᖅᓯᒪᔪᑎᒍᑦ ᐃᑭᒪᕙᒃᑐᑦ ᐱᕙᓪᓕᐊᔪᓐᓇᖅᑐᑦ ᐊᒻᒪᓗ ᓄᐊᑉᐸᓪᓕᐊᓗᒋᑦ ᖃᖓᑕᒐᔪᖕᓂᕐᒧᑦ ᖃᖓᑦᑕᐅᑎᑖᕈᑎᓄᑦ ᕘᔅᑦ ᐃᐅᒃᑯᑎᒍᑦ, ᐃᐅ ᑲᓇᑕ ᐅᕝᕙᓘᓐᓕᑦ ᓇᓪᓕᐊᑐᐃᓐᓇᖅ ᐃᐅᕈᐸᓛᓐᑯᑦ ᐃᓚᐅᓂᖃᖃᑕᐅᔪᑦ ᑲᑐᔾᔨᖃᑎᒋᔭᖏᓐᓂᑦ.